Чӣ тавр 1 157 570 сомонӣ ба киссаи директори ҶДММ "Эҳё" рафт?
2099

 

Вазорати умури дохилаи Тоҷикистон аз ошкор шудани қаллобии директории ҶДММ “Эҳё”-и шаҳри Душанбе хабар дод.

Гуфта мешавад, ки ба ШВКД-2 дар ноҳияи Сино аризаи марди 30-солаи сокини ноҳияи Рӯдакӣ ворид гардидааст. Ӯ аз он шикоят намудааст, ки 8-октябри соли 2018 марди 59-сола, директори ҶДММ “Эҳё” бо роҳи фиреб ба бовариаш даромада, аз ӯ 300 000 сомони гирифта, ваъда додааст, ки бар ивазаш аз ҳудуди 3-юм гузаргоҳи кӯчаи Б.Ғафурови пойтахт хонаи дуҳуҷрагӣ гирифта медиҳад, аммо то ҳол ваъдаашро иҷро накардааст.

Ҳамин тариқ ба ШВКД-2 дар ноҳияи Сино бо ариза марди 35-солаи сокини кӯчаи Ҳисори ноҳияи мазкур муроҷиат намудааст, ки рӯзи 10-уми январи соли 2019, марди дар боло зикргардида бо роҳи фиреб ба бовариаш даромада, аз ӯ 163 ҳазору 200 сомонӣ гирифта, ваъда додааст, ки бар ивазаш аз ҳудуди 3-юм гузаргоҳи кӯчаи Б.Ғафурови пойтахт хонаи якҳуҷрагӣ гирифта медиҳад, аммо то ҳол ваъдаашро иҷро накардааст.
Ҳамчунин ба мақомоти корҳои дохилӣ бо ариза марди 49-солаи сокини шаҳри Душанбе муроҷиат намудааст, ки санаи 5-уми сентябри соли 2016, марди дар боло номбаргардида бо роҳи фиреб ба бовариаш даромада, аз ӯ 231 ҳазору 870-сомонӣ гирифта, ваъда додааст, ки бар ивазаш аз ҳудуди 3-юм гузаргоҳи кӯчаи Б.Ғафурови пойтахт хонаи сеҳуҷрагӣ гирифта медиҳад, аммо то ҳол ваъдаашро иҷро накардааст.

 


Мирзомақсуд Мӯминов чӣ тавр ба ҷарӣ афтидани мошини калони боркашонро бо чашмони худ дида, кормандони милитсияро аз сар задани садама огоҳ намудааст.


Ба мақомоти милитсия бо ариза боз як марди 20-солаи сокини шаҳри Душанбе муроҷиат намудааст, ки санаи 23-юми августи соли 2019, номбурда бо роҳи фиреб ба бовариаш даромада, аз ӯ 242 ҳазору 500 сомонӣ гирифта, ваъда додааст, ки бар ивазаш аз ҳудуди 3-юм гузаргоҳи кӯчаи Б.Ғафурови пойтахт хонаи дуҳуҷрагӣ гирифта медиҳад, аммо то ҳол ваъдаашро иҷро накардааст, ҳамчунин бо ариза марди 66-солаи сокини пойтахт ба мақомоти милитсия дар он хусус муроҷиат намудааст, ки 17-уми июни соли 2019, марди дар боло зикргардида бо роҳи фиреб ба бовариаш даромада, аз ӯ 220 000 сомонӣ гирифта, ваъда додааст, ки бар ивазаш аз ҳудуди 3-юм гузаргоҳи кӯчаи Б.Ғафуров хонаи якҳуҷрагӣ гирифта медиҳад, аммо то ҳол ваъдаашро иҷро накардааст.

Ба қавли ВКД, директори ҶДММ “Эҳё” дар маҷмӯъ аз шаҳрвандони зикргардида 1 157 570 сомонӣ гирифта, ба манфиати шахсиаш истифода бурдааст.

Поделиться новостью
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД