Лӯлиҳо-дар бораи ин қавм беш аз 100 сол аст, ки мегӯянд, менависанд, филмҳои ҳангомавӣ ба навор мегиранд, вале то ҳол пардаи асрори зиндагии ҷӯгиҳоро касе ба пуррагӣ накушодааст.
Сару садоҳо дар бораи ҳаёти ҷӯгиҳо хеле зиёданд. Яке мегӯяд, ки лӯлиҳо қабристон надоранд ва ба куҷо ғайб задани мурдаҳояшон муаммои сарбаста аст, дигарӣ пушти сар мехорад, ки қавми ҷӯгӣ пайрави кадом дину оин бошанд, саввумӣ иддао мекунад, ки ҷӯгиҳо ҳаргиз духтарҳои худро ба қавми бегона ба шавҳар намедиҳанд, то сиру асрори ҳаёташон фош нагардад…
Оё лӯлиҳо қабристон доранд? Зани ҷӯгӣ метавонад ба ҷавони тоҷик ё миллати дигар ба шавҳар барояд? Қалинги духтари лӯлӣ чанд аст? Умуман, ҷӯгиҳо чи рӯзу рӯзгор ва чи мушкилот доранд?
Барои ба ин саволҳо ҷавоб пайдо намудан мухбирони мо роҳи деҳаи лӯлиёнро пеш гирифтанд…
