Дар Ҳамадонӣ мард бо гумони сӯиқасд ба ҷони ҳамсараш дастгир шуд
Як сокини 50-солаи ноҳияи Ҳамадонӣ бо гумони сӯиқасд ба куштори ҳамсараш дастгир шудааст.
Ба иттилои ВКД, ҳодиса шаби 15-уми октябри соли 2026, тақрибан соати 23:30, рух додааст. Гумонбаршаванда Ҷӯрахон Алиев, сокини ҷамоати деҳоти Заркуҳ, бо бел ба ҳуҷраи хоби ҳамсараш, ворид шуда, ҳангоми хоб будани ӯ ба сараш зарба задааст.
Дар натиҷа зан аз хоб бедор шуда, бо доду фарёд ба саҳни ҳавлӣ гурехтааст. Ҳамсояҳо ба ёрии ӯ расида, занро аз дасти шавҳараш наҷот додаанд.
Вобаста ба ин ҳодиса парвандаи ҷиноятӣ оғоз шуда, тафтишот идома дорад.
