Дар Тоҷикистон хатари борону сел боқӣ мемонад
Имрӯз ва пагоҳ, 29 ва 30-юми октябр, дар бархе минтақаҳои Тоҷикистон борон меборад ва ҳаво номусоид мешавад.
Ба иттилои Агентии ҳавошиносӣ, дар баъзе ноҳияҳои доманакӯҳӣ ва кӯҳии вилояти Суғд, ноҳияҳои тобеи ҷумҳурӣ ва ноҳияи Дарвози Вилояти Мухтори Кӯҳистони Бадахшон хатари омадани сел вуҷуд дорад.
Дар робита ба ин, Агентӣ аз шаҳрвандон даъват кардааст, ки ҳангоми номусоидии ҳаво эҳтиёткор бошанд ва чораҳои зарурии бехатариро риоя кунанд.
