БЕНИҚОБ
Рашк апаю хоҳарро душман кард
11.02.2020
Р. Азимӣ
7200
22

 Мо дар оила ду духтару як писар ҳастем. Падарам сардори як ширкати бонуфуз аст, модарам низ маълумоти олӣ дошта, зани коргару пулёб мебошад.

Волидонам ҳамдигарро дӯст дошта, оиладор шудаанд, вале тӯли 12-соли зиндагӣ худованд ба онҳо фарзанд надодааст. Тамоми хешу ақрабо маслиҳат медиҳанд, ки ҷудо шуда оилаҳои нав барпо намоянд, аммо падарам “ман занамро дӯст медорам ва як умр бе фарзанд монем ҳам, ҳаргиз ҷавоби ӯро намедиҳам” гӯён, модарамро талоқ намедиҳад. Бобою бибиам якравии писарашонро дида розӣ мешаванд, ки ягон кӯдакро аз ятимхона ба фарзандӣ қабул кунанд. Ҳамин тавр бо такудави зиёд онҳо духтарчаи навзодеро пайдо карда, ба фарзандхонӣ қабул мекунанд ва тамоми меҳру муҳаббати худро ба ин кӯдаки ятим мебахшанд. Мӯъҷизаи худовандро бубинед, ки дар яксолагии апаам Аниса модарам ҳомиладор шуда, писар таваллуд мекунад. Волидонам соҳиби фарзанд гаштанашонро аз пою қадами неки духтархондашон дониста, ба ин кӯдак бештар меҳру муҳаббат мебанданд. Ман, ки баъди акаам ба дунё омадаам, аз кӯдакӣ мудом апаамро азизу эрка кардани падару модарам дида, девона мешудам. Бо ҳамон ақли кӯдаконаам ман ҳамеша ба апаам рашк мекардам.


Бачаи кӯлобӣ зани данғарагиро “кидат” кард (Видео)


Падару модарам ба ҳар сеи мо бо як чашм менигаристанд ва намегузоштанд, ки аз ягон чиз танқисӣ кашем. Гули чизро хӯрда гули чизро мепӯшидем, вале ҳар гоҳ падарам “духтараки асалаки ноздонаи ман” гӯён, апаамро садо кунад, мани бахил аз рашу ҳасуд дарун ба дарун оташ гирифта, гӯшҳоямро бо дасонам медоштам, то нашунаваму насӯзам.

Хуллас, солҳо турнасон гузаштанд ва ману апаву акаам ба камол расидем. Муносибати бародарам бо апаам бисёр хуб буд, аммо ман ҳеҷ ӯро дӯст надоштам, ки надоштам. Болои сӯхта намакоб гуфтагӣ барин, рӯзе модарам иқрор шуд, ки апаамро аз ятимхона гирифта калон кардаанд. Ин гап барои мани ҳасуд дастак шуда монд, акнун сари ҳар қадам кӯшиш мекардам, ки ба мо тамоман бегона будани ӯро ёдрас намуда, ба дили апаам ханҷар занам. Дигар на номашро мегирифтам ва на апа мегуфтам, барои ман вай танҳо “сағераи бесоҳиб” буд.


КЕЛИНЧАКИ ПАНҶАКЕНТӢ: 4 СОЛ ШУД ДАР ХОНАИ ШАВҲАР БОКИРААМ


Ба ҷойи апаам, агар ягон каси дигар мебуд, шояд маро зада маъюб мекард ё қаҳр карда, аз хона баромада мерафт, вале ин духтараки сарпасту боандеша ҳамеша чунин вонамуд мекард, ки гӯё суханҳои талху шӯри нешдори маро намешунавад. Ҳар қадар бештар ман ба ӯ бадӣ кунам, ҳамон андоза ӯ ба ман меҳрубонтар мегашт. Ба ҷойи он ки меҳрубониҳои апаам диламро нарм созанд, баръакс бештар девона шуда, роҳи аз ӯ интиқом гирифтанро меҷустам. Куртаҳои зебою қиматбаҳояшро бо қайчӣ мебуридам, гӯшвору ангуштарин ва дигар ороишотҳояшро қасдан шикаста мепартофтам. Падару модарам маро сарзаниш намуда ба апаам сару либос ва ороишоти нав мехариданд ва бо ин корашон ба захми дили мани бахил намак мепошиданд.

Хулласи калом, апаам донишгоҳро хатм карду дари хонаамон хостгорборон гашт. Аниса духтари бамаънӣ буда, бо ягон ҷавон ишқбозӣ намекард ва интихоби домодро ба падару модарам вогузор намуд. Волидонам аз байни талабгорон ҷавони арзандаеро аз як оилаи бою бадавлат интихоб намуда, Анисаро ба шавҳар доданд. Вақте ки домодро барои шиносоӣ ба хонаамон оварданд, бо дидани номзади апаам даҳони ман воз монд. Домодшаванда ончунон зебо буд, ки одами дидагӣ ошиқи зораш мегашт. Кирми рашк акнун маро бештару бештар мехӯрд ва намедонистам чӣ тавр аз Аниса интиқом бигирам. Мехостам бо кадом роҳе, ки наошад, тӯйи ӯро вайрон кунам. Бо ҳамин мақсад худам гӯшвори бриллиантиамро пинҳон намуда, дар назди меҳмонҳо апаамро дузд гирифтам ва ҷангу ҷанҷол бардоштам. Аниса зор-зор гиря карда қасам мехӯрд, ки гӯшвори маро надидааст. Падарам оби чашми духтари эркаю азизашро дида, бори аввал ба сари ман даст бардошт ва ба бари рӯям ду шаппотӣ зада, таъкид намуд, ки агар як бори дигар ҳамин гапро такрор кунам, маро зинда ба зинда пӯст мекунад. Қаҳр карда ба хонаи бибиам рафтам. Падару модарам чанд маротиба ба сарам одам равон карда, таъкид намуданд, ки ба хубӣ ба хона баргашта, хурсандии онҳоро бо рашку ҳасади аблаҳонаам заҳролуд насозам, вале “ҳамон сағераи бесоҳиб то дафъ шуда наравад, ман ба хона намеравам” гӯён, якравӣ менамудам.

Хулоса, дар тӯйи апаам иштирок накарда бошам ҳам, таърифу тавсифи базми бошукуҳи арӯсӣ ва зиндагии шоҳонаашро аз забони хешу табор шунида, нафратам нисбати Аниса даҳчанд гашт ва бо апаам тамоман қаҳрӣ шудам. Аниса чанд маротиба ба ман занг зада бошад ҳам, телефонро хомӯш мекардам. Ҳар гоҳ, ки апаву язнаам ба хонаи мо меҳмонӣ биёянд, ман дари ҳуҷраи хобамро аз дарун маҳкам карда, то рафтани онҳо аз хона намебаромадам.

Ҳамин тавр аз байн се сол гузашт ва волидонам маро ба Ислом ном ҷавоне фотиҳа карданд. Номзадам мисли шавҳари Аниса бою бадавлат набошад ҳам, бачаи хубу худотарсу бамаънӣ аст ва мудом маро насиҳат мекунад, ки бо апаам оштӣ шавам. Аниса ба падару модарам гуфтааст, ки ба хотири талх нагардонидани айши ман ба тӯйи арӯсиам намеояд. Ростӣ акнун манз аз корҳои кардаам сахт пушаймонам, вале аз занг задан ба Аниса шарм медорам. Метарсам, ки агар телефон кунам ё ба хотири апаамро ба тӯйи арӯсиам даъват намудан ба хонааш равам, Аниса “ман аз рангу рӯйи ту барин хоҳар безорам” гуфта, телефонро хомӯш мекунад ё маро мисли саги дайду аз пушти дараш меронад. Сарҳисоби корамро гум кардаам, зеро то тӯйи арӯсиам рӯзҳои башумор мондаанду то ҳол чӣ кор карданамро намедонам. Илтимос, ба ман маслиҳат диҳед, баъди ин қадар рашку итоб ва девонагиҳо чӣ тавр бо апаам оштӣ шавам?

Баргигул аз Деҳнав

Хабарҳо дар шабакаҳои иҷтимоӣ:
Шарҳ
(22)
Хумайробону 2020-02-11, 15:44
Хдо бахшанда аст малум аст ки апаат низ хдотарс ва мефахмидаги аст бахшиш прс
Посух
Шахрванд 2020-02-11, 15:49
Ба у як сюрприз кунед. Худатон пушти дараш равед ва вакте Ки дарро кушояд, уро ба огуш гиред, оғуши ҳақиқӣ ва гӯед апаҷон ба дуо деҳ ки мисли худат хушбахт шавам.
Посух
Rahi Muborak 2020-02-11, 15:56
Агар Худо туро бахшад аз хохарат бахшиш талаб кун.Чи бача аз осмон галтидаст ки ин кадар девона шуди!
Посух
Дигар нарав ба у хона 2020-02-11, 19:53
Дигар духтао мебуд кайхо мерафт Худо ба ту сабру токат додааст шавхарат намеарзад ба ин пуртокатии ту
Посух
Умар 2020-02-11, 20:22
Харчикадар барвакт Телефон ё хозир ба хонаащон равед Бехтарин кор.. Хохаратон хозир хам шуморо аз пештара дида зиёд дуст медорад
Посух
Парвиз 2020-02-11, 22:18
Худтона фалак кашен...)))
Посух
Фарз 2020-02-12, 08:27
Апат ҳеҷ гоҳ туро он тавре ки худат фикр дорӣ он хел намекунад баракс хурсанд мешавад рав ба хонааш
Посух
Зарина 2020-02-12, 08:40
Бахшиш пурсед у шуморо мебахшад, чунки у фаришта аст. Ахсан ба чунин апаи пуртокат. Дилашки пок аст, Худо ба у шавхари арзандаро раво дида аст
Посух
гули 2020-02-12, 10:00
хафа.нашав.хозарчон.шумо. бо.апай.худатон.хасад.бурда.ин. хел.азобдодед.пагох.дар.хонай. шавхар.чикор.мекунед инрохам.фикркардед.ки.хонай. шавхар.хонай.очат.нест. пеши.худо.тавбакун.аз.апат.бахшиш пурс.азобхой.занхой.точикро. харуз.дар.ойла.мехони.
Посух
Беном 2020-02-12, 13:45
Худо бахшанда аст иншоллоҳ мебахшад. Вақте Худо бахшад пас банда чихел набахшад, иншолоҳ апатон ҳам мебахшад.Худо шуморо ва ҳама мусалмонони гунаҳгорашро бахшад.
Посух
Рухшона 2020-02-12, 16:04
Раву ба назди хохарад бахшиш пурс хохарад албатта мебахшад. Вакте ки Худованд бахшандаю мехрубон аст, албатта бандаашам мебахшад.
Посух
Рабони 2020-02-12, 17:31
Инчо айби падару модарат аст ки туро хамин гуна тарбия кадаги тра калтакшап мекадан вахтшда ба ин рох намерафти ту аму ахмаки ахмак мерай то охира ин фикри шахсси ман
Посух
Бе ном Рабони 2020-02-13, 11:09
Ахсан гапатон 100 дар 100 рост ягон одами бад хуб нашуда буд як руз не як руз боз хамун корашро мекунад
Посух
Катхудо 2020-02-12, 21:28
Шумо дигар нашудаед. Ин ақидаатон дурӯғай. Аминаш хубтарай барои аппатон.
Посух
беном 2020-02-12, 22:23
ма бошам як умр твори одами паста намебахшидм апат одами тилои бдай каси тра мегирп бечорара хаётш сухт
Посух
Хурик 2020-02-12, 22:33
Хеееее.Беги...
Посух
Самина 2020-02-13, 09:56
Худоро бузургиашро бин, ки падару модарат 12 сол бе фарзанд буданд, вале Худованд мехри онхоро ба ин тифли бегунох дида, 2 фарзанди дигар дод. Ана акнун ту шукри ана хамин апаат ва шукри Худо кун, ки ту ба дунё омади! Рафта бахшиши ситкан пурс ки то тура бахшад
Посух
Аниса 2020-02-13, 18:06
Хучанд
Посух
Аниса 2020-02-13, 18:09
Ту хеч вакт бахта намебини.. Худо туро намебахшад...
Посух
Маҳмадшариф 2020-02-13, 18:51
Апаат пок дилу пок виҷдон будааст ба наздаш бирав апаат аз ту умеди оғуши фарзанди падари дорад бирав ба назда ишолоҳ апаа харсанд мешавад
Посух
Sawsan 2020-02-13, 23:23
E mardum behuda maslihat nadihed.. hamai in durug hast oxir..durug .. ba gaphoi Rustami zanakfel va Shabnami mijmoruk bovar karda navishtan megired mi
Посух
Хаким 2020-02-17, 02:28
Бале ту метавони, ки бо телефон не балки ба хонаи Аниса яне ба хонаи Апаат рафта аз у бахшиш пурси вай медонад,ки ту пушаймон шудаи ва харчанд ки аз як Падару Модар нестед ту хамин кадар бахили мекарди локин у ба ту мехрубони мекард ки хамин хохари манаст дилашро наранчонам мегуфт худ ба худ бубин ки тохол намехохадки норохати туро бинад зеро нахост ки дар рузи туйят туро норохат кунад борои онки тохол туро дуст медорад
Посух
Шарҳ
Тавсия медиҳем:
ҲАВОДИС
Марги фоҷиавии апаву хоҳар дар як рӯз (Акс аз ҷои ҳодиса)
Дирӯз дар шаҳри Исфараи Вилояти Суғд аз як хона якбора ду тобут бароварданд. Хоҳарон Гулшан ва Озода бо ҳукми тақдир...
12236
12
СИТОРАҲОИ КИНО
Шавҳари апаву ошиқи хоҳар
Эдо аз тарси шармандагӣ аз хонаи падараш фирор мекунад, хоҳараш Мелдо бошад, бо камоли майл ба никоҳи Ҳорун медарояд. Ин...
742
0
БЕНИҚОБ
28 . 11 . 2019
Аҳмадзода
Апаам аз ғами дузанагии шавҳараш мурду...
-Пас аз марги апаам Султонхуҷа зани нав гирифт ва ниҳоят ба орзуяш расид, аммо рӯзи фарзандонаш сиёҳтар шуд. Як духтарашро...
1948
0
БЕНИҚОБ
Се талоқ барои як шапалоқ?!
Ночор ҷавобашро додам. Дилам барои писарчаам гум мезанад, вале модару бобояш намемонанд, ки ман фарзандамро бубинам.
1111
2
маводҳои монанд
СИТОРАХОИ ТЕАТР
Гапакои махфии Дилбар Умарова
Вале боре Дилбар Умарова дар ин ҳама мусоҳибаҳояш, мавриди даврони гулгаштҳои бачагиву ҷавониаш шухӯ беқарорияш ва самакати кӯбин доштанаш ҳарфе...
Гапакои махфии Дилбар Умарова
327
0
МУҲОҶИР
Алёна Михайловна: Ба хотири Юсуф дар Ҳисор тапак мекунам!
Се сол Юсуф ҳамчун боғбон дар хонаи мо мезист. Вақте ки аз падарам якмоҳа ҷавоб гирифта ба ватанаш рафт, аз...
10800
49
БЕНИҚОБ
Чапаргӯши духтарбоз
Касоне, ки нармаки гӯшашон бо устухон мутобиқ афтодааст, натанҳо зоҳиран зебоянд, балки ба шарофати дар ҳама кор баробариро нигоҳ дошта...
876
0