Дар шаҳри Тошканди Ӯзбекистон Ҷоми кушоди Осиё оид ба ҷудо миёни наврасон ва ҷавонон ба анҷом расид. Мусобиқа аз 28-ум то 31-уми май баргузор шуда, ҷудокорони тоҷик ба гирифтани 12 медал, аз ҷумла 1 тило, 6 нуқра ва 5 биринҷӣ ноил шуданд.

Бино ба иттилои ТВ “Варзиш”, Тоҷикистонро дар мусобиқа миёни наврасон 97 ҷудокор намояндагӣ карда, ба гирифтани 5 медал ноил шуданд. Муҳаммаданис Солеҳов (-55 кг), Исомиддин Қосимов (-60 кг), Райҳона Розиқзода (-52 кг) сазовори медалҳои нуқра, Армон Сафаров (-60 кг) бо Шамил Исмоилов (-66 кг) сазовори медалҳои биринҷӣ шуданд.

Миёни ҷавонон Тоҷикистонро 107 ҷудокор муаррифӣ намуда, ба гирифтани 7 медал ноил шуданд. Александра Кан (-57 кг) сазовори медали тило, Ардашери Ҳамза (-90 кг), Исмоил Бурҳонов (-100 кг) сазовори медалҳои нуқра ва Мадина Қурбонзода (-52 кг), Ёсин Бобокалонов (-66 кг), Муҳаммадрофеи Ҳабибулло (-66 кг), Панҷшер Муъминов (-90 кг) сазовори медалҳои биринҷӣ шуданд.

Ёдовар мешавем, ки дар мусобиқаи наврасон 660 ҷудокори 11 кишвари қора ҳунарнамоӣ карданд. Миёни ҷавонон 503 ҷудокор аз 12 кишвари қора ширкат варзиданд.