Oila Navruz
Ҳисор: Духтар донишҷӯ шуду модар дар садама ҷон дод
6293


Дар шоҳроҳи Турсунзода-Душанбе дар наздикии деҳаи Шӯроби Ҳисор садамаи хунин сар зада, боиси марги як ҷавонзани 40-сола ва захмӣ гаштани боз се тани дигар гашт.


Як шоҳиди ҳодиса зимни сӯҳбат бо хабарнигори сомонаи ОИЛА-ТЧ қайд намуд, ки зани ҷонбохта Гулсифат ном дошта, аз деҳаи Кафшдӯзони дараи Алмосии Ҳисор будааст.
Ҳодиса тахминан соатҳои 11-и рӯз ба вуқуъ пайвастааст. Гулсифат бо хусуру хушдоманаш ба таксии самти Ҳисор-Душанбе нишаста ба сафар мебароянд. Дар наздикии деҳаи Шӯроб як мошини тамғаи Опел-Караван якбора самти ҳаракаташро дигар карда, ба роҳи муқобил мебарояд ва ба таксие, ки Гулсифат ва аъзоёни хонаводаи шавҳараш нишаста буданд, бармехӯрад. Дар натиҷаи ин садамаи хунин ронанда ва падаршӯю модаршӯйи Гулсифат ҷароҳатҳои вазнини ҷисмонӣ бардошта, худи ҷавонзан дар ҷойи ҳодиса ба ҳалокат расидааст.


-Нотавонбинию кинаварзӣ кори ҳунармандонест, ки аслан ҳунар надоранд. Ман барои дар сари роҳи дигарон чоҳ кофтан вақт надорам!


 

 

Як хеши наздики ин оила бо шарти ифшо накардани ному насабаш ба хабарнигори Оила-тч қисса кард, ки соли гузашта дар ҳамин шабу рӯз писари 9-солаи Гулсифати шаҳидро мошини боркаши камаз зер карда кушта буд, имсол бошад, худи ҷавонзан бо дили пурормон дар садамаи хунин ҷон ба ҷонофарин супурд.
Орзуи бузургтарини Гулсифат он будааст, ки духтараш ба донишгоҳ дохил шуда, соҳиби дипломи олӣ шавад, вале дар рӯзе, ки ин орзӯяш амалӣ гашта, фарзандаш аз имтиҳони қабул гузашт, ин модари зор ба таври фоҷиавӣ ҷон бохт.
Рӯзи ҷанозаи Гулсифат “Модарҷон, фақат мегуфтед, ки духтарам, нағз хонда, соҳиби диплом ва касбу кор шав, он гоҳ дар ҳаёт ба ягон кас зору муҳтоҷ намешавӣ, пас чаро дар рӯзе, ки ман ба донишгоҳ дохил шудам, моро абадан падруд гуфта, хонаамонро мотамсаро кардед...” гӯён, духтараш рӯю мӯяшро меканд. Бо шунидани нолаҳои зори ин духтари модаргумкарда дили санги хоро низ об мешуд, аммо тақдирро тадбир нест...

Поделиться новостью
Шарҳ
(1)
Рачабали 2019-08-21, 22:30
Худо рахмату махфират кунад ин модари азизро омин
Посух
НОМАТОНРО НАВИСЕД
ШАРҲАТОНРО ГУЗОРЕД
Шарҳ
(1)
Рачабали 2019-08-21, 22:30
Худо рахмату махфират кунад ин модари азизро омин
Посух
НОМАТОНРО НАВИСЕД
ШАРҲАТОНРО ГУЗОРЕД