Super - Star
Садриддин: Ҳоли муҳоҷирони тоҷикро дида, ҷигарам хун мешавад!
3689
16

 

-Садриддин, кишвари ҳамсояамон Афғонистон аз Тоҷикистони мо хеле қафо мондааст, аммо сарояндагони афғонро дар Лондону Амрико бештар мешиносанд. Барои банда муаммост, ки чаро сарояндаҳои эрониву афғон, ки ҳамзабони мо ҳастанд дар сатҳи ҷаҳонӣ ба зудӣ шӯҳрат меёбанду ҳофизони тоҷикро кам андар кам мешиносанд...

-Иллат дар он аст, ки шоу-бизнес дар мо рушд наёфтааст. Сарояндаҳои эрониву афғони таронаҳояшнро дар хориҷӣ кишвар дар студияҳои замонавие сабт менамоянд, ки дорои имкониятҳои беҳудуд ҳастанд. Баъдан, онҳо продюсерони ботаҷриба доранд. Шабакаҳои телевизионие доранд, ки шабу рӯз фақат суруду мусиқӣ пахш мекунанд. Аксари санъакорони тоҷик чунин имкниятҳоро надоранд.

-Шумо солҳо инҷониб дар саҳнаҳои калони ҷаҳонӣ ҳунарнамоӣ мекунед ва аллакай мактаби ҳунарии худро доред. Ҳунари кадоме аз сарояндаҳои тоҷикро эътироф мекунед?

-Ҳунармандоне, ки ман дӯст медораму эътироф мекунам, бе гирифтани номашон ҳам мухлисон онҳоро хуб мешиносанд. Дар бораи насли ҷавон бшад, имрӯз он қадар ҳофиз зиёд шудааст, ки исми ҳамаи онҳоро дар хотир нигоҳ доштан хеле душвор аст. Вақт беҳтарин довар аст ва сарояндагони хасакиро худ аз майдон берун хоҳад кард.


Тарбандӣ бо пиёз барои рафъи асорати шамолкашӣ, ҳангоми бронхит, отит, сулфа ва ҳатто систиту гайморит бисёр муфид аст.


 

-Садриддин, росташро гӯед, барои ба саҳнаи ҷаҳонӣ роҳ ёфтан чӣ лозим аст: пули калон, дастгирӣ ё ҳунари асил?

-Ҳунари асил албатта нақши ҳалкунандаро мебозад, аммо бе пул ҳам намешавад. Дар шароити имрӯза, агар сароянда маблағ надошта бошад, наметавонад видеоклипҳои пурқиммат созад, ҳунари худро тарғиб намояд. Ҳар қадаре, ки сароянда барои сурудаш пули калон сарф кунад, ҳамон қадар сифати сабт ва танзими тарона беҳтар гашта, ба талаботи бозори ҷаҳонӣ ҷавобгӯ мешавад ва албатта мухлисони худро пайдо мекунад.

-Сарояндае, ки чандон овози ширадор ва ҳунари кироӣ надорад, агар видеоклипҳои олиҷаноб созад, метавонад дар сатҳи ҷаҳонӣ шӯҳрат ёбад?

-Бисёранд сарояндаҳое, ки на он қадар садои хуб доранд, лекин техника аз онҳо ситораи сатҳи ҷаҳонӣ сохтааст. Бо ин ҳама касоне, ки бо ҳунари асил сру кор доранд, сараро аз носара зуд ҷудо мекунанд.

-Аксари сарояндаҳои машҳури тоҷик соле ақаллан як маротиба ба Русия сафари ҳунарӣ карда, барои муҳоҷирон консерт медиҳанд. Чаро шумо ин корро намекунед?

-Ростӣ, барои ман дидани аҳволи тоҷикон муҳоҷир дар Русия дардовар аст, зеро аксарияташон рӯзгори сахтеро ба сар мебаранд. Дар сафаре, ки чанд сол қабл ба Новосибирск доштам, шоҳиди як манзараи риққатовар гаштам. Ҳудуди саду панҷоҳ нафар тоҷикбачаҳо бо умеди тамошои консерти банда аз гӯшаву канорҳои гуногуни Русия ба ин шаҳр омадаанд, аммо дар ҷайбашон пуле надоштанд, ки чипта бихаранд. Гуфтанд, ки ҳар чи пуле доштем, сарф карда аз як шаҳри дигар ба умеду шунидани суруду оҳанги тоҷикӣ омадем. Дилам ба ҳолашон сӯхту аз ташкилкунандагони консерт хоҳиш кардам, ки онҳоро ба толор ворид созанд. Барои ман дидани чунин ҳолатҳо дардовар аст, аз ҳамин сабаб ба Русия камтар сафар мекунам. Аз ҷониби дигар, хеле саркор ҳастам. Ман дигар ба худам тааллуқ надорам, бояд ҳамеша пайи эҷод ва такудав бошам.

-Дар Русия тоҷиконе низ ҳастанд, ки соҳиби ному нони калон гаштаанд...?

-Ман инкор намекунам, албатта ҳастанд тоҷиконе, ки дар Россия зиндагии хуб доранд, кори хуб доранд, аммо чунин афрод хеле кам, ангуштшуморанд.

-Назари шуморо ба муҳоҷирати меҳнатӣ донистан мехостем?

-Муҳоҷират имрӯз ба як раванди байналмиллалӣ табдил ёфтааст, вале ман орзу мекунам, ки дар Ватан ҷойҳои хуби кор пайдо шуда, ҷавонмардон ва ҷавонзанҳои тоҷик аз ранҷи ғарибӣ раҳоӣ ёбанд.

-Бисёре аз ситораҳои ҷаҳонӣ осорхона доранд ва тӯҳфаҳои мухлисону дигар ашёҳои қиматбаҳои худро дар намоиш мегузоранд. Садриддин ҳам нияти осорхона ташкил кардан дорад ё не?

-Аксари тӯҳфаҳое, ки дар Ватан ва дар хориҷ аз мухлисон гирифтаам, дастагул буданд. Дастаи гул умри зиёд надорад ва онро дар осорхона нигоҳ дошта намешавад. Албатта ҳастанд тӯҳфаҳои қимматбаҳое, ки ман онҳоро маҳфуз нигоҳ медорам. Ҳамин, ки имкон даст дод, албатта осорхона кушода, ҳамаи онҳоро ба намоиш мегузорам.

Ф. Сатторӣ (2011)

Хабарҳо дар шабакаҳои иҷтимоӣ:
Шарҳ
(16)
Сафармурод Бобиев 2019-08-21, 09:19
Оллохи мехрубон хамаи мухочиронро дар панохащ нигох дорад мо хамавакт дуогуи гарибонем
Посух
Аличон Ширинов 2019-08-21, 09:19
Баъд ба чи хулоса омади бо ягон шеър эчод кардани ёфтен чой фиребкунитона
Посух
Юсуф Латифов 2019-08-21, 09:20
Мушкили хаммаи мухочиронро осон гардонаду ,тезтар дар Ватан корхо пайдо шаванд бо маблаги хубтар.
Посух
Дилшод Музафаров 2019-08-21, 09:20
Агар хар сол ба 10 15 нафари онхо дар сохтмони манзилхояшон кумак расони чигарат хун намешавад акаи Садриддин👍
Посух
Латиф Муминов 2019-08-21, 09:20
Кам кам кумак расони ба хамон мухочирон (акалан бо яктоаш) огои Садриддин чигарат аз сухтан мемонад.
Посух
Аличон Ширинов 2019-08-21, 09:42
Баъд ба чи хулоса омади бо ягон шеър эчод кардани ёфтен чой фиребкунитона
Посух
Диловар Салимов 2019-08-21, 09:43
Аличон Ширинов Шумо хофизи бечораро яксу гузор худат ягонбор фикр кардаи ки мохо дар хаки мухочиронамон дуои нек кунем иншоолох Точикистони азизамон гулгул шукуфон шудааст оянда насиб бошад чои кори хуб мухаё мншавад агар мардуми шарифи Точик тундрави накунанд.
Посух
Абу Исаев 2019-08-21, 09:49
Мухочири беазоб намеша. Лекин дар рохат рост бошию ба Аллох такья куни худованд ба ниятои нек мерасонад. Зино, аракхури ба пастихо мебарад
Посух
Зарина Абдуллаева 2019-08-21, 10:04
Одам як фикру,дарди дилша менависад,мазок накунед бачахо,о шумо хаматон бо аклен еку.Дили хама месузад,манам бача дорум,дуо мекунум дар хаки хамаи муочирон,лекин ердам додан наметонум.
Посух
Гулсара Толибова 2019-08-21, 10:07
Ку дилтон бисуза бепул концерт ташкил кунен !!!! Ягонтаи шумо бепул концерт накарден ку бо мерен сумхои увора чамьу гир мекнен миееен!!
Посух
Дилафруз Гоибова 2019-08-21, 11:41
Як ду консерти бепул гузаронеду ба мигрантхо дихед чигаратон сихат мешавад ва таъбатон болида
Посух
Фатох Хомидзода Раҷабмурод 2019-08-21, 11:43
Холи мухочирони точика дида чигарат хун мешад . Барои 2 соат концерт 1500 доллар талаб мекуни .
Посух
Хасан Шомирсаидов 2019-08-21, 12:09
Бародар дилат агар сузад, бо хофизон як аксия гузаронида, ба рохбарони болои расонед. Хама медонад холи мухочирро. Шумо аввалин шахс нестед.
Посух
мехрона Абдулова 2019-08-21, 12:36
акаи садридин дилатон сухтабоша ба мухочиро мухочиреки манзилнадора зану фарзандаш дарбадар ба онхо кумаккуне дил сузихоли баки даркор
Посух
Парвиз 2019-08-22, 08:30
Аз мост, ки бар мост. Ҳамааш натиҷаи муомилаи мо ба зиндагист. Дар Русия ҳам тоҷика тоҷик хӯрда истодааст.
Посух
Тохир1555 2019-08-29, 02:22
Акаи Садриддин хайрият,ки мисли Зулайхо😆 Zu-zu (Худо гирад лакабша)нагурехти ай концерт
Посух
Шарҳ
Тавсия медиҳем:
Super - Star
21 соли хомӯшӣ: Чаро Гугуш суруд намехонд?
Агар огоҳӣ дошта бошед, ин номи мардонаи арманӣ аст. Модарам аз Озарбойҷони шӯравӣ, падарам бошад аз Озорбойҷонӣ Эрон буд. Модарам...
4450
0
Life - Stars
31 . 05 . 2019
Р. Азимӣ
Ҳасани Чилла: Ман занкалон не, катазан ҳастам (Видео) 
-Ҷонашона гардам, ягонтааш касби маро дӯст намедоранд. Дигар касбҳоро интихоб кардаанд. Ҳаргиз ҳаҷвнигор намешавем мегӯянд. Дидед, чӣ хел нағз-а!
531
0
Ҳаводис
Ҳасанро 9-корд заданд?
Аз рӯйи гуфти ин сокинони Хуросон нафароне, ки Ҳасан Олимовро корд задаанд, ӯро бо баҳонаи аниқ кардани як моҷаро ба...
6314
5
маводҳои монанд
Life - Stars
21 . 05 . 2019
Р. Азимӣ
Писари 4-солаи Садриддини Наҷмидддин амрикоиҳоро қоил мекунад? (Видео)
Садриддин ба хотири зинда кардани номи хунёгари санъати тоҷик, шодравон Кароматуллои Қурбон ба писараш ин номро гузоштааст. Кароматуллои хурдакак ба...
1718
9
Super - Star
Шабнами Сурайё: Барои чоҳ кофтан ба дигарон вақт надорам!(ВИДЕО)
Метавонед давомашро нагӯед, аллкай манзуратонро фаҳмидам. Мехоҳед днед, ки Шабнам аз рақобат бо ҷавонон ҳарос дорад ё не? Рақобат хуб...
785
1
Super - Star
Шабнам гирифторони силро бо суруд табобат мекунад? Видео)
Шабнами Сурайё бо мақсади саҳм гузоштан дар мубориза ба муқобили бемории сил рӯзҳои 24-25-уми август барномаи рангини консертӣ барпо хоҳад...
565
0