БЕНИҚОБ
Замираи бадбахт: Зани дуюм шудаму рӯзам сиёҳ гашт
3725
10

 

Ман як ҷавонзани 23- солаи аз зиндагӣ наосудаам. Волидонам маро дар синни 19-солагӣ ба шавҳар доданд, аммо бахт ба рӯям нахандид.

Ҳамагӣ се моҳ пас шавҳарамро суд карданд. Бо ягон гуноҳи сабук ба паси панҷара менишаст, шояд интизораш мешудам, вале шавҳари бе нангу бе номуси ман бачабозӣ карда, сари ин ҷинояти нангин ба даст афтид ва ба муҳлати тӯлонӣ ҳабс шуд. Умрамро барои ин марди шайтонсират барҳадар гузаронидан нахоста, ба хонаи падару модарам баргаштам. Аз шавҳарам ҷудо шудани маро шунида чандин мардони занмурда талабгорам гаштанд, вале дилам, ки аз ҷинси мард монда буд, хостгории ҳеҷ кадомашонро қабул накардам. Ҳамин тавр аз байн қариб ду сол гузашт ва тақдир маро бо марди дигаре рӯ ба рӯ кард, ки аз ҳамсараш расман ҷудо шуда буд. Ин мард бо ваъдаҳои осмонӣ маро аз нав ба зиндагӣ дилгарм намуд ва бо ризояти падару модаронамон мо риштаи тақдирамонро бо ҳамдигар пайвастем. Гумон доштам, ки ин дафъа хушбахт мешавам, зеро шавҳарам мисли ман дар зиндагӣ аллакай як маротиба шикаст хӯрда, азоби хонавайрониро медонист. Умедвор будам, ки ин марди заҳри талхи ҷудоиро чашида ба қадри зани меҳрубону хонаву дари обод мерасад, аммо хаёлам хом баромад.


Дар ҳадисҳои пайғамбар омадааст, ки ҳазрати Муҳаммад (с) ба Абубакри Сиддиқ хитоб карда фармудаанд: “Эй Абубакр, агар мард бо чеҳраи кушода ҳамсарашро нигоҳ кунад, савоби озод кардани як ғулом ба ӯ дода мешавад!”


Ҳаққу ҳамсояҳо ва хешу табори шавҳарам маро таъриф мекарданд, вале чаққонию тозакорӣ ва меҳрубонию ҳурмату эҳтироми ман дар чашми хушдоману хоҳаршӯйҳоям наметофт. Онҳо бо ҳар роҳ кӯшиш мекарданд, ки маро паст зада, дар чашми шавҳарам сиёҳ кунанд. Намедонам ҳамин бадгӯиҳои модару апаҳояш сабаб шуданд ё шавҳарам аз аввал ба ман чандон дил надоштааст, ки боз бо зани якумаш рафтуомадро сар кард ва дере нагузашта зану кӯдакашро гирифта ба Русия рафт. Чанд маротиба ба шавҳарам занг зада гуфтам, ки дилат ба зани худат, ки буд, барои чӣ маро бо фанду фиреб ба домат андохта ба никоҳи худ даровардӣ, охир аз чунин шавҳардорӣ бе шавҳар будан беҳтар аст. Дар ҷавоб мегӯяд, ки ман туро барои падару модарам гирифтам, то ки таги пойи онҳоро рӯфтаю хӯрокашонро пухта, хизмати пиру кампирро карда гардӣ. Болои сӯхта намакоб гуфтагӣ барин, модараш ба ман рӯйи хуш намедиҳад ва ба тамоми кору борам эрод гирифта, як бурда нони мехӯрдаамро дар танам заҳр мекунад. Ману шавҳарам ЗАГС дорем, аммо зани ҷодугараш сари ин бачаро аз нав тоб дода, ӯро чунон ба худаш гарм кардааст, ки вақтҳои охир ошкоро “баромада рав, ман зану кӯдакамро ба хона меорам” мегӯяд. Сарҳисоби зиндагиамро гум карда, чӣ кор карданамро намедонам. Баромада равам, мардум маро гунаҳкор карда мегӯянд, ки агар хуб мебуд, магар аз ду шавҳар мебаромад, наравам, дар ин хона саг қадр дораду ман не.

Илтимос, ба ман маслиҳат диҳед, чӣ кор кунам?

Хабарҳо дар шабакаҳои иҷтимоӣ:
Шарҳ
(10)
Инаят Раджабова 2019-09-16, 11:39
Дуюм шуданро ,худат хости ку???Сабр карда шин ....айби хеч кас не!!!Второй сорт!Тагдири дуюм зан хамин хел....
Посух
Алимова Зиедахон 2019-09-16, 13:06
Бехуда худро насузонед. Баромада ягон касбро ед гиред ва ба кор бароед. Мардум Чи Ки гуяд ахмият натит.
Посух
Амирханзада Саиди 2019-09-16, 13:06
Аз зани дуюм шудан хуб аст ки бе шавхар зиндаги куни. Дар бахти каси дигар ба худ бахт насозед. Зиндаги и он занхам ба худаш ширин буд. Зани дуюм на шавед!
Посух
Озода Ортикова 2019-09-16, 13:07
Аз зани дуюм шудан бо ягон муйсафиди зан мурда оила бунёд мекарден хуб буд.Чунки мӯйсафид ақалн пенса мегирифт хӯрда мешиштен.Зан мурда ба зан те, зан сартӣба,санг те бекора нагуфтин ин мақоларо.!!
Посух
Амирханзада Саиди 2019-09-16, 13:07
Озода Ортикова зани чавон бошад читу муйсафеди падарашро гирад? Шумо мегирифтен?
Посух
Nurah Nurah 2019-09-16, 13:07
Рост чаро зани ҷавон мусафеди мурдаро гирад аҷиб гапҳо мегуед ... гуфти дигарҳо сар бошад тоқи бисер инаш нашуд дигараш иншоллоҳ будагист як марди ба номус ки қадрашро фаҳмад
Посух
Озода Ортикова 2019-09-16, 13:16
Ман ба ин шахс дар омади гап гуфтам як хиши моҳон ҳаминтавр буд 3 то шуй кард нашуд якто мӯйсафеда гирифт мардак 60 ба буд аз ҳамон якто писар таваллуд кард ин мард мурд саратони шуш шуда хозир ин зан бачаш калон росиямба хонаҳои калон гову моли мӯйсафид мондаша гаштас мегӯяд ки ман хушбахтам ин мардро бони кард гӯру чӯб кард ина биғам шиштас чем назди янгаву пеш пои ако шудан ин хуб барои ман гуфт ин зан.!!
Посух
Амирханзада Саиди 2019-09-16, 13:34
Озода Ортикова МА мефахмам мазмуни гапи шуморо. Лекин зиед духтарон чавонанд зебоян ва дар дил сад орзу хавас доранд. Онхо наметавонанд Зери пой муйсафеде хоб кунанд. Онхо низ инсонанд дар дил завки чавони доранд. Дуньей мачбури нест.
Посух
Лола 2019-09-16, 17:57
Бехтараш баромада равед . Зани акуми шавхаратон кудак доштас. Шумо холо чавон боз бахти худро меёбед
Посух
Абдулло 2019-09-17, 17:04
Сабр кунед окибати сабр бисер хубаст шояд Худованд дар дилаш мехри шуморо зинда гардонаду шуморо низ хуб нигоху бин кунад
Посух
Шарҳ
Тавсия медиҳем:
МУҲОҶИР
Тоссарҳо ( Скинхед) Розия ва Ёрмуҳаммадро бо арматур зада куштанд    
Розия аз шаттаву шаллоқи тоссарҳо даҳону биниаш ғарқи хун аз бародараш илтиҷо мекард, ки зудтар гурезад, вале нангу номуси мардӣ...
1554
0
АСРОРИ ЗЕБОӢ
12 . 06 . 2019
Муҳаррир
Чаро мӯйи сар дар ҷавонӣ сафед мешавад?
Сафедшавии мӯйи сар то синни 30-солагӣ нишонаи иллатҳои дар ҷисми инсон нуҳуфта аст. Шумо бояд ба саломатии худ диққати хоса...
711
3
SUPER - STAR
Чаро Муин аз ҳамсараш ҷудо шуд? (Видео)
-Ҳар субҳ ду бор аз хоб бедор мешавам. Яке вақти бомдод ва дубора баъди баромадани офтоб. Рӯзамро бо шунидани хабарҳои...
2903
3
АҶАБ ДУНЁЕ
03 . 06 . 2019
Редактор
Кӯдаки дусара
Ин тифли дусара дар Амрико ба дунё омада, як ҷисму як дил дорад. Ҳолати ин дугоникҳоро, ки ба ғайр аз...
607
1
LIFE - STAR
Ҷонибек Муродов: Душманӣ дар байни сарояндаҳо зиёд аст
Ростӣ, аввал ман Дамирбекро ба шогирдӣ қабул кардан намехостам, чунки худро ҳанӯз шогирд ҳисоб мекардам. Падарам маро насиҳат карда гуфтанд,...
1491
6
маводҳои монанд
АСРОРИ ЗАНУ ШӮӢ
Моҷарои зани 1-ум ва зани 2-юм: Гунаҳкор мардаки бечора?!
Занҳои якум ҳамеша гуноҳро бар сари занҳои дуюм мезананд, аммо мо аз паи мардон намегардем –худашон ба ҷустуҷӯямон мебароянд.
5489
2
БЕНИҚОБ
Нуруллои таксист: Сарма вайрон кардӣ, занак!
Сарма вайрон кардӣ, занак! Ҳамин хел кардан гирӣ, аз баҳри таксистӣ гузашта, мошинро мефурӯшам ва ба Русия мераваму ягон беваи...
5453
20
ҚИССАҲОИ ОИЛА
 Шавҳар дар Русияву зан дар оғӯши таксист
-Эй нее, ин гап дурӯғ аст, охир Манзура духтари мулло, китобхону қуръонхон аст, наход, ки дидаву дониста зино кунад,-даст афшонд...
2549
6