Имрӯз дар Кохи Борбад хурсандии мардумро ҳаду канор набуд. Зеро дар доираи лоиҳаи “Тамғаи писандидаи Тоҷикистон” дар моҳи шарифи Рамазон намоиш-фурӯши маҳсулоти ватаниро ширкати Рекламавии “Тайрон” Соли 8-ум аст, ки ташкил карда, ба сокинони пойтахт молу маҳсулоти хушсифатро бо нархҳои арзону дастрас пешкаш месозад. Шаҳноза Ҳамдамова, Директори Агентии рекламавии “Тайрон” намоишгоҳро ифтитоҳ намуда , дар кушодашавии намоишгоҳ муовини Вазири саноат ва технологияҳои навини Тоҷикистон Солеҳзода Умед Абдулло, Сардори Депортаменти кор бо мизоҷони ширкати мобилии ТСЕЛЛ Саидҷон Нуралиев, муовини аввали раиси Палатаи савдо ва саноати Тоҷикистон Насимҷон Анваров, муовини директори Оҷонсии содироти назди ҳукумати Тоҷикистон Баҳодур Раҳимзодаро барои суханронӣ оиди маъракаи мазкур сари минбар даъват намуд.

Намоиш фуруши маҳсулоти ватанӣ дар нахустинрӯзи ярмаркаи мазкур ба назар чунон сер одам буд, ки мардум барои харидорӣ кардани маҳсулотҳо пеш аз моҳи шарифи рамазон ҷой намеёфтанд. Дар мавриди то чӣ андоза розӣ будани мардум аз нарху навои маҳсулотҳои ватанӣ хабарнигорони мо назари харидоронро пурсон шуданд!