МАШВАРАТИ РАВОНШИНОС
Телефон + кӯдак=?
2444
0

Мувофиқи як тадқиқоти Академияи Педиатрияи Амрико, кӯдакони муосир ба ҳисоби миёна дар як рӯз 7 соат аз телефон истифода мекунанд.

Имӯз қариб ҳар як шахс телефони мобилии шахсӣ дорад ва дар масъалаи дастрасӣ ба интернет низ ягон маҳдудият вуҷуд надорад. Аз ҷумла чоряки наврасони то 16-сола ба интернет пайвастаанд.
Пурсишҳои бритониҳо нишон медиҳанд, ки мардуми Аврупо низ аз вобастагии телефон азият мекашанд. Аз сад 60%-и волидайн аз он хавотиранд, ки фарзандонашон аз телефони мобилӣ зиёд истифода бурда, ба бемориҳои гуногун гирифор нашаванд.
Тақрибан 40% наврасони англис иқрор шудаанд, ки онҳо аксар вақт бо волидонашон тариқи телефон муошират мекунанд, ҳарчанд дар як хона қарор доранд.
Дар Русия 88%-и кӯдакони 4-сола ҳар рӯз бо волидонашон ба интернет ворид мешаванд, нисфи кӯдакони то 14-сола бошанд аз вебсайтҳо саҳнаҳои зӯровариро тамошо мекунанд. 16% -и кӯдакон аллакай ба қиморбозӣ одат кардаанд.
Сеяки кӯдакони рус, ки ба Интернет дастрасӣ доранд, дар як рӯз 8 соатро бе назорат мегузаронанд.
Вобастагии интернетиро имрӯз дар саросари ҷаҳон ҳамчун беморӣ эътироф кардаанд. Педиатрҳо мегӯянд, кӯдакони ба телефон ошиқ аз ҳад зиёд фарбеҳ шуда, ба депрессия гирифтор мешаванд ва хатари ақиб мондан дар рушди ақлонӣ ба онҳо таҳдид менамояд.


Дар ин садама ҳамчунин як марди 42-солаи соҳиби шаш фарзанд бо исми Бӯрихон Самадов ҷон ба ҷонофарин супурдааст.


Табибон ба хотири омӯхтани таъсири телефон ва интернет ба бачаҳо озмоиши махсусе гузарониданд, ки дар он 60 кӯдаки 4-сола иштирок доштанд. Бачаҳоро ба 3 гурӯҳ тақсим карда, гурӯҳи якум ба тамошои филмҳои тасвирӣ, гурӯҳи дуюм ба барномаи рушд ва гурӯҳи сеюм ба расмкашӣ фиристода шуданд. Ҳамагӣ пас аз 9 дақиқа авзои кӯдаконе, ки филми тасвирӣ тамошо мекарданд, аз кӯдаконе,ки барои муайян кардани қобилияти зеҳнӣ ҷудо шуда буданд, бадтар шудааст.

Фарзанди худро аз вобастагии телефон  чӣ гуна муҳофизат кардан мумкин аст?
Қоидаи аввал ва муҳимтарин ин аст, ки ҳадди аққал то 14-солагӣ ба фарзандатон телефони дастӣ надиҳед.
Фарзандатон аллакай телефон дошта бошад, дар ҳеҷ сурат телефонро аз дасташ нагиред, дар акси ҳол ӯ нисбат ба шумо алоқа ва бовариро аз даст медиҳад.
Педиатрҳо ба кӯдакони аз 2 то 5-сола тавсия медиҳанд,ки телефонро на бештар аз 1 соат дар як рӯз истифода баранд.
Волидон бояд қоидаҳои возеҳи истифодаи телефонро барои тамоми оила таҳия намоянд, масалан, дар ошхона, меҳмонхона ё мошин аз телефон истифода бурдан манъ аст.
Шумо бояд исрор намоед, ки кӯдаконатон як соат пеш аз хоб аз телефон истифода набаранд.
Волидон ӯҳдадоранд, ки қоидаҳои муқарраршударо на камтар аз фарзандони худ самимона риоя намоянд.
Аз ҳама муҳимаш аз хотир набароред, ки ба ғайр аз риоя намудан ба қоидаҳо кӯдакон ҳуқуқҳои худро доранд. Кӯдак, агар чизеро, ки дар ҳақиқат ба ӯ лозим аст, ба даст наорад, қоидаҳоро вайрон мекунад, баҳс мекунад, дурӯғ мегӯяд ва пинҳон мешавад. Ӯ қоидаҳои шуморо эҳтиром хоҳад кард, агар шумо ниятҳо ва ҳуқуқҳояшро эҳтиром намоед.

 

Хабарҳо дар шабакаҳои иҷтимоӣ:
Шарҳ
(0)
ҲАНУЗ ШАРҲ НЕСТ
Шарҳ
Тавсия медиҳем:
БЕНИҚОБ
Духтари эшон: Дар пеши чашми падарам худамро оташ мезанам!
Ман ба худ қавл додаам, ки агар падарам маро зӯран ба ҳамон эшони занҷаллоб диҳад, рӯзи никоҳ худамро дар рӯйи...
5532
6
БЕНИҚОБ
07 . 09 . 2019
Shahlo
Падарам пулро диду одамгариро фаромӯш кард
Ба падари зану фарзандбезорамон гуфтанием: -Бе пули шумо ҳам модарамон шифо ёфт. Дигар ба падар эҳтиёҷ надорем. Моро фаромӯш кунед!
943
0
БЕНИҚОБ
Падарам бо зану фарзандонам маро пеш кард
"Очаҷон, дадаҷон, ман ду фарзанди мактабхон дорам, чӣ хел онҳоро ятим мекунам”, аммо падару модарам маро ҳатто шунидан нахоста, занкалон...
503
5
маводҳои монанд
ҲУҚУҚИ КӮДАКОН
Падардорони бепадар: Назаре ба рӯзгори кӯдакони оилаҳои муҳоҷир
Бепарвоии волидон ба ҷараёни хониши фарзандонашон боиси аз дигар ҳамсолонаш қафо мондану сустхон шудани мактаббача мегардад…
6991
0
АҶАБ ДУНЁЕ
Фирӯз аз ҷабри моиндар худкушӣ кард ё аз бемеҳрии падар...?
Танҳо баъди се шабонарӯз ҷисми бе ҷони ин ҷавони ормониро аз як дашти бе одам пайдо карданд. Фирӯз худро дар...
3961
0
БЕНИҚОБ
Нурҷаҳон: Падарамро сари қаҳр бо бел задам...
«Безорам аз ту барин писар! Аз дидорат безорам! Тезтар дафъ шав аз хонаам, сағераи касофат! Ман дигар ту барин фарзанд...
2714
1