БЕНИҚОБ
Талоқ нагирифта шӯ кардам, никоҳи мо ҳалол аст?
3194
6


Мардуми деҳот ҳамин, ки фаҳмиданд домодшаванда аз шаҳр аст, аз хурсандӣ қабат-қабат гӯшт гирифта, аслу насабашро напурсида, дарҳол духтаронашонро бароварда медиҳанд.

Инро дар мисоли тақдири бади худам мегӯям. Диёр ном ҷавони шаҳрӣ маро дар тӯйи як дугонаам дида, писандиду ба хонаамон хостгор фиристод. Волидонам «ҷавони зебо будааст, падару модараш ҳам сарватманд» гуфта, корро кашол надода худи ҳамон рӯз розигӣ доданд. Пурсидани розигии мани арӯсшаванда ба гӯшаи хаёлашон ҳам наомад. Аз чи бошад, ки тарафи домод тӯйро ҳарчи зудтар барпо кардан мехостанд. Падарам маҷбур шуда аз бонк қарз гирифтанду маро ба қавли худашон «бо обурӯи муҳаммадӣ» ба хонаи бахтам гусел намуданд. Тӯямон дар тарабхонаи Оли Сомон хеле зебою бодабдаба гузашта бошад ҳам, таги дилам ким чи хел сип-сиёҳ буд. Беҳуда «дил гувоҳи ҳақ аст» намегуфтаанд, шавҳарам ҷавони зебо бошад ҳам, дуруштмуомилаю ҳавобаланд баромад ва аз рӯзи аввал рафтору кирдору гуфтораш ба ман маъқул нашуд. Вай то маро гирифтан чандин духтаронро ба доми фиреб андохта будаасту бешармона дар бораи маъшуқаҳояш ҳар шаб нақл мекард. Қаҳрам ояд ҳам, чизе намегуфтам. Диёр аз хомӯшии ман далертар шуда, шабҳо дар бистари хоб бо дигар духтарҳо телефонӣ чақ-чақ мекардагӣ шуд. Рӯзе аз паси дар гуфтугӯяшро бо зане шунидам.Шавҳарам бо забони русӣ ба ҳамсӯҳбаташ ваъда дод, ки ҳафтае пас борҳоро бурда мерасонад. Ҳайрон шудам, ки гап дар бораи кадом бор мерафта бошад, чунки Диёр бо савдо сарукор надошт. Бегоҳии ҳамон рӯз шавҳарам дар сари дастархон гуфт, ки азми сафари Русия дорад, гӯё дар Москва кори бисёр муҳиму таъҷилӣ доштааст. Хусурам «Бачам, нав аз тӯят шаш моҳ нагузаштааст, чи хел арӯсатро партофта меравӣ» гӯён, хеле насиҳат карда бошанд ҳам, Диёр ду пояшро ба як мӯза андохта, меравам мегуфт.

Хуллас, Диёрро гусел намудему ду рӯз аз байн нагузашта тариқи телевизиони Русия чанд тоҷикбачаеро намоиш доданд, ки бо маводи мухаддир ба даст афтода буданд. Дар байнашон шавҳарам Диёр ҳам буд. Фиғони падару модараш ба фалак печид, вале аз гиряву нола суд набуд. Суд Диёрро ба мӯҳлати 15 сол аз озодӣ маҳрум намуд. Хусурам бо дидаи пуроб маро бо кӯчу бандам ба хонаамон оварда монд. Як моҳ нагузашта марди занмурдае хостгорам шуду падарам маро дубора хонадор кард. Зиндагиям хуб аст, соҳиби фарзанд шудаам, вале то ҳол як чиз маро азоб медиҳад-талоқамро аз шавҳари якум нагирифтанам! Диёр то ҳол ҷавоби маро надодааст, магар никоҳамон бо шавҳари дуюмам дуруст аст?
Муясара аз н. Айнӣ

Хабарҳо дар шабакаҳои иҷтимоӣ:
Шарҳ
(6)
Olamafruz Nazirmad 2019-11-05, 11:21
Бхр бгард хамаш ай насибу такдиру розигии худованд
Посух
Sirojiddin Karimov 2019-11-05, 11:22
Не, номумкин аст
Посух
Жасмин Гулямова 2019-11-05, 11:22
Нее илохи товба
Посух
Давлатали Назаров 2019-11-05, 11:46
Албатта инро аз уламои дин пурсидан лозим. Дар вакти никохи мусалмони, муллохо аз домодшавандахо мепурсанд, ки оё чавон тайёр аст, ки ин занро муддати 6 мох бе нафака ва нафс намегузорад? Он тарафашро худ казоват кунед.
Посух
АНИС 2019-11-05, 16:05
НИКОХИ ДУЮМИ ШУМО БОТИЛ ВА НОРАВО АСТ ДАР СУРАТИ БО ШОХИДУ ХУЧЧАТ АЗ ШАВХАРИ АВВАЛААТОН ТАЛОК НАГИРИФТА БОШЕД. БОЯД ТАЛОК ДИХАД ВА МУДДАТИ 3 ХАЙЗ ОДАТИ МОХОНА ИНТИЗОР ШУДА БАЙД ШАВХАР БОЯД КУНЕД. ДАР ЗАМОНИ ПАЁМБАР С.А.В ЯК ЗАНЕ НАЗДИ ПАЁМБАРАМОН ОМАДА ПУРСИД КИ ШАВХАРАМ БЕ НОМУ НИШОН АСТ СОЛХОИ ТУОНИ МЕТАВОНАМ БА ШАВХАР БАРОЯМ. ПАЁМБАР ГУФТАНД МЕТАВОНИ БАЪДИ 90 СОЛ ИНТИЗОРИ. ЯЪНЕ КИ ТО 90 ГУМОН АСТ УМР БИНЕМ. МАКСАД КИ ИЧОЗА НЕСТ БА ШАВХАР БАРОМАДАН. БАРОИ ХАМИН ХОХАРИ АЗИЗ БОЗ АЗ ЯГОН ОЛИМИ ДИН ПУРСЕД ТО АЗ ГУНОХУ МАЪСИЯТ РАХО ЁБЕД. ЧУМ ДУНЁ ГУЗАРАНДА АСТ ВА ОХИРАТ ПОЯНДА
Посух
Гули 2019-11-06, 05:05
Номрой.тлфонашро.рафта.аз.модараш.гиру.зангзанеду.талокатонро.гиред.агар.вайхо.рози.нашаванд.гунохи.т.дар.гардани.вайхо.мешавад.ту.бояд.авал.хами.коро.мекарди
Посух
Шарҳ
Тавсия медиҳем:
БЕНИҚОБ
Духтари эшон: Дар пеши чашми падарам худамро оташ мезанам!
Ман ба худ қавл додаам, ки агар падарам маро зӯран ба ҳамон эшони занҷаллоб диҳад, рӯзи никоҳ худамро дар рӯйи...
5210
6
БЕНИҚОБ
Дилмуроди 12-сола: Моиндарам моро бо таёқ мезанад!
Аз кӯҳу пушта ҳезум мекашем, гову мол мечаронем, хона мерӯбем, ҷойгаҳ мегирем, хулоса, тамоми кору бори хонаро мекунем, вале ба...
2547
5
БЕНИҚОБ
30 . 10 . 2019
Гули Зард
Арвоҳи Ҷаҳонигир дар шаҳр қадам мезанад?
Гӯрро кушода ҳама ҳозирон ба даҳшат афтиданд. Ҷаҳонгири ормонӣ кафанашро дар танаш пора-пора кардаву дар хоки деворҳои лаҳад изи панҷаҳояш...
5556
0
маводҳои монанд
ИСЛОМ
Талоқи бе шоҳид равост?
Шавҳарам аз Русия баргашт. Вай талоқ додаашро ба гардан нагирифта “ман ин гапро нагуфтаам”мегӯяд. Виҷдонам намебардорад, ки бо ӯ зиндагӣ...
1033
0
ҚИССАҲОИ ОИЛА
Фарзона шавҳарашро се талоқ кард
Шабе хоҳаронам дар хонаам меҳмон шуданд ва то саҳар аз гол гуфта, як қад-як қад паридани язнаашон мижа таҳ карда...
1241
3
ОВОЗА - ҲАҚИҚАТ
Қадами Қурбон ба хотири Мино занашро 3-талоқ кард?(ВИДЕО)
...баъди клипи машҳур ва пурсару садои “Умираю” Қадам ба Мино ошиқи зор гашта, ба хотири ин бонуи зебою дилкаш талоқи...
4642
28