Бо қайсингулам ҷангу ҷанҷол шудем ва ман қаҳр карда ба хонаи падару модарам рафтам. Баъди се моҳ бо зани ҳеварам телефонӣ суҳбат кардам. Вай гуфт, ки шавҳарам ба хотири хоҳараш талоқи маро дода ба Русия рафтааст. Аз байн чанд вақт гузашту он зан вафот кард. Шавҳарам аз Русия баргашт. Вай талоқ додаашро ба гардан нагирифта “ман ин гапро нагуфтаам”мегӯяд. Виҷдонам намебардорад, ки бо ӯ зиндагӣ кунам. Шумо ба ман чӣ маслиҳат медиҳед?

 Посух

Хоҳари азиз, масъалаи талоқ нозукиҳои зиёд дорад, аз ҳамин сабаб имкони яктарафа масъаларо дида, маслиҳати аниқ додан нест. Беҳтараш шумо ҳамроҳи шавҳар ва хоҳаршӯятон ба раёсати фатво биёед, то ки мо бо ҳар сеи шумоён саволу ҷавоб карда, хулосаи дақиқ барорем.