МУҲОҶИР
Дар Русия ғуломи бародарам гаштам
539
1


Маро бародарам Ҷовид ба Русия овард. Вай бо сафсатаҳояш падару модарамро бовар кунонда буд, ки дар ин ҷо соҳиби пули калон мешавем, вале кори ёфтаи бародарам ба ман писанд наафтод.

Рӯз то бегоҳ дар тарабхона пиёз пӯст кардан ба кӣ маъқул мешавад?! Ҷонам ба лабам расиду корду тахтаро ба гӯшае ҳаво дода, аз тарабхона баромадам. Бародарам ҳарчанд ҷанҷол кард, аз роҳам нагашта ба назди ҷӯраҳоям, ки дар сохтмон кор мекарданд, рафтам. Соҳиби хона дар назди бачаҳо шарт гузошта будааст, ки манзилашро дар муддати як моҳ пурра таъмир намоянд. Ман бо ҷону дил ба кор часпидам. Аз субҳ то шом мурданивор кор мекардам, то даромади хуб ба даст биёрам, вале рӯзи маошгирӣ ду даст дар бинӣ мондам. Бародарам пеш аз ман ба назди хӯҷаин рафта, музди меҳнатамро гирифта будааст. Қаҳрам омад, ки фарзанди падарам аз ман напурсида, ҳаққи заҳматамро аз худ кардааст. Наздаш рафта пулҳоямро талаб намудам. Гуфт, ки аллакай ҳам маоши ман ва ҳам маоши худашро ба хона фиристодааст. Пас аз ин боз дар чанд ҷойи дигар кор кардам, вале ҳар дафъа ҳаққи меҳнатамро бародарам мегирифт. Намеранҷидам, агар он пулҳоро ба падару модарам мефиристод, вале бародарам ҳаққи заҳмати маро ба хонаи худаш мефиристад. Аламам аз он аст, ки ман дар мулки бегона, дар ғарибӣ ҷонамро дар кафи дастам гирифта, бо сад азоб пул кор мекунаму роҳаташро зану бачаҳои акаам мебинанд. Ба падарам занг зада рафтори номардонаи бародарамро гуфтам. Мӯйсафед ба ғазаб омада ба бародарам занг задаст. Пас аз чанде бародарам ба иҷорахонаи ман омада, маро мисли тӯби футбол зери лагад гирифт ва «барои маро бо падарам ганда намуданат ҷазои ту ҳамин аст» гуфта, баромада рафт. Чанд рӯз боз бо сару тани сиёҳу кабуд дар ин ҷо хобидаам. Бародарам телефонро аз дастам гирифта рафт, на имкони ба касе хабар расондан дорам, на роҳи ба падару модари роҳдурам дарди дил намудан. Имрӯз дар сомонаи интернетӣ сайти «Оила»-ро кушодаму қиссаҳояшро хондаму дар дилам шуълаи умед фурӯзон гашт. Мехоҳам бо кӯмаки сомонаи  «Оила» рӯзи сиёҳамро ба волидонам расонам, то ҷони маро аз азоби ғурбат ва ҷабру зулми бародари ҷоҳилам халос намоянд!

Мақсудҷон, аз вилояти Харменскии Русия

Хабарҳо дар шабакаҳои иҷтимоӣ:
Шарҳ
(1)
Муҳаммадҷон 2019-11-06, 20:28
Ҳар шахси болиғ ҳуқуқи қабули мусатқилонаи қарори ҳаётиашро дорад.
Посух
Шарҳ
Тавсия медиҳем:
ДУ НИГОҲ
Вазири фарҳанг: вақти маъшуқабозӣ надорам!
Мо ҳамдигарро интихоб кардем. Волидайни ҳардуямон барои хонадоршавии мо розӣ набуданд, вале мо бо ҳар васила кӯшиш кардем ва эшонро...
470
1
МАСЛИҲАТ БА ВОЛИДОН
Мехоҳед фарзандатон вундеркинд шавад?
Барои он ки дили бача аз хондан хунук нашавад, ба ҷойи мудом дар назди ҳама танқид кардан ва паст задан...
215
1
СИТОРАҲОИ КИНО
Офарандаи нақши Ҳазрати Юсуф вафот кард?
Чӣ тавр як ҷавонмарди солиму бардам фавтидааст? Пас аз чанд дақиқаи ин хабар, тамоми сомонаҳои хабарии дохилию хориҷиро аз назар...
1569
3
маводҳои монанд
ҚИССАҲОИ ОИЛА
20 . 05 . 2019
Муҳаррир
Келини сатрпӯш хушдоманашро кушту….
Сабоҳатхола куртаҳои пора-пораи арӯсии духтарашро ба як сумкаи калони сафарӣ андохт ва омин карда, ба Маҳваш фармуд, ки то омадани...
1009
5
ҲАВОДИС
21 . 05 . 2019
Аҳмадзода
Шайх Темур: Куштор ва охирин суҳбат бо ӯ
Даҳшат: Шайх Темурро дар зиндон кордборон карданд. Мехоҳед тафсилоти марги Шайх- Темур ва дар асл кӣ будани ӯро бидонед? Мо...
3460
17
ҚИССАҲОИ ОИЛА
Зану шавҳари бачакуш
Ту лоиқи падари мо нестӣ! Ба хубӣ баромада нест шав, набошад туро бо ана ҳамин дастонам бӯғи карда мекушаму падарамро...
470
1