«Вақте ки мӯзадӯз мешаваму корхонаи шахсии худамро мекушоям гуфтам, ҳама “журналистика куҷою мӯзадӯзӣ куҷо” гӯён, писханд зада, маро масхара карданд, вале бароям ақидаи касе аҳамият надошт.

Ман хуб медонистам, ки чӣ мехоҳам ва ояндаамро чӣ гуна мебинам”-давраи нав ба ҷодаи соҳибкорӣ қадам ниҳоданашро ба ёд оварда мегӯяд Аъзам Аҳруллоев, ки имрӯз соҳиби корхонаи шахсии мӯзадӯзӣ мебошад.  Ба даст овардани маблағ ва пӯшондани хароҷоти худ ҳанӯз аз овони кӯдакӣ дар зеҳни Аъзам нақш баста буд. 

Мехоҳед донед, ки чӣ Аъзамро водор намуд мӯзадӯз шавад? Чаро Аъзам аз журналистика рӯй гардонд? Ин ҷавони бе пушту паноҳ чӣ тавр дар як муддати кӯтоҳ тавонист бизнесашро тақвият дода ба қатори соҳибкорони муваффақи тоҷик дохил шавад? Ба ин ва дигар саволҳои худ аз филми ҳуҷҷатии “Ғурури мӯзадӯз” посух меёбед