МУҲОҶИР
Занҳои тоҷик муҳоҷиронро ғорат мекунанд!
2708
7

 

Ман Маҳмадалии Латифзод, сокини шаҳри Ваҳдат, айни замон дар Федератсияи Русия дар муҳоҷирати меҳнатӣ қарор дорам. Каму кости рўзгор маро маҷбур намуд, ки мисли ҳазорон-ҳазор ҷавонмардони дигар роҳи Русияро пеш бгирам. Дарди мо, ғарибонро фақат худмон медонаму худованд, чор танга пуле, ки бо азобҳои алим кор мекунӣ, аксаран сарфи ҳуљљат сохтан мегардад. Худо накарда ҳуљчатҳои қалбакӣсохта диҳанд, ҳам пулат месўзаду ҳам дар кашмакаши милисаю прокурор мемонӣ. Документ надошта бошӣ, тамоман аз дар баромада наметавонӣ, чунки милисаҳо дар ҳар сари қадам «чёрний” гуфта, мардуми аз Осиёи Миёна омадаро нигоҳ дошта, азият медиҳанд. Хулоса, нисфи пули кор мекардаат сарфи ҳуҷҷатсоҳӣ, сарҳаргузарӣ ва дигар хараҷу мараҷи муҳоҷират мегардад. Болои сӯхта намакоб гуфтагӣ барин, зану духтарҳоямон бо харҷу хароҷотҳои бемаънии худ ҳоли моро танг месозанд. Ҳамроҳи мо Абдулхай ном марди миёнасоле кор мекунад. Ҳафтае нест, ки зани шаттоҳаш ба ӯ занг зада “мардак, тағоям тӯй дорад, имрӯз зодрӯзи хоҳарам аст, пагоҳ ба хонаи фалон хешамон бояд ба меҳмонӣ равем ё фалон хел куртавори нав баромадааст, зудтар пулфирист” гӯён, ҷони ин мардаки бечораро ба лабаш набиёрад. Бечора Абдулхайр ҳамеша аз дигар муҳоҷирон пул қарз гирифта ба хонааш мефиристаду баъд худаш дар ҳамин шаҳри хунук бо либосҳои тунук мудом нимсеру нимгурусна мегардад.

 


Барои ин қаҳрамонияш номи писарбачаи тоҷик, ки дар синфи сеюм мехонад, ба қатори 20 нафар бачаҳое дохил гардид, ки аз ҷониби Валентина Матвиенко ва Виктор Золотов мукофотонида мешаванд. 


Аҳволи чанд муҳоҷири дигари тоҷик, ки бо мо кор мекунанд, аз Абдулхайр монданӣ надорад. Занҳояшон ба онҳо тез-тез телефон карда, пул мепурсанд, гӯё худо мардро танҳо барои пул ёфтан офарида бошад. Ин занҳои беақл як бор фикр намекунанд, ки ҳамин марди бечора ин қадар пулро аз куҷо меёбад. Гумон мекунанд, ки дар Русия дарахти доллару евро ва рубл мерӯяд ва ҳар гоҳе, ки дилат хост, бемалол аз шохаҳояш пул чида, ба хонаат фиристодан мегирӣ...

Медонам, ки аксари занҳои тоҷик “Оила”-ро мехонанд, аз ҳамин хотир аз ин минбари баланд ба тамоми бонувоне, ки шавҳар, падар ё фарзандонашон дар муҳоҷирати меҳнатӣ қарор доранд, гуфтаниям:

-Модарону хоҳарони азиз! Мо мардҳо барои шумо ба ҳама мушкилоти мулки ғурбат тоқат карда, кор карда истодааем, то заррае бошад ҳам, зиндагӣ пеш равад. Худатон як бор омада азоби моро бо чашми саратон бубинед, баъд ба қадри падару писару шавҳари муҳоҷиратон мерасед. Илтимос, ақлатонро кор фармуда, аз ин пас харљу харољотҳои бемаънии худро камтар кунед. Шарт нест, ки ҳаенгоми ба шавҳар додани духтаратон ба ӯ 10-12 куртаи нархи ҳар кадомаш 1000-1200 сомонӣ бихаред. Шарт нест, ки падараш дар Россия кор мекнад гуфта, барои арӯс арӯс гарнитури хориҷии 2000 доллара ва телевизору мошинаи ҷомашӯӣ бихаред. Шарт нест, ки дар гардани зани муҳоҷир занҷири тиллову дар дастонаш чанд ангуштарӣ бошад. Шарт нест, ки шумо ҳар ҳафта дастурхон бардошта ба тӯю маърака ё ба хонаи хешу таборатон меҳмонӣ равед. Ба ҷойи ин пулҳои бо хуни ҷигар кор крадаи шавҳар, бародар ё падаратонро барои рӯзи мабодо пасандоз намоед. Занҳои азиз, илтимос, ақаллан камтарак фикри мо - мардҳои муҳоҷирро ҳам кунед, то ки муҳоҷирон “нангу номуси мардона аз даст наравад” гуфта, худро ин қадар азоб надиҳанд ва бо пули кам бошад ҳам, сиҳату саломат ба хонаҳои худ баргарданд.

Муҳаммадалӣ Латифзод, муҳоҷир аз ш.Маскав.

Хабарҳо дар шабакаҳои иҷтимоӣ:
Шарҳ
(7)
Murodov 2019-11-05, 08:56
Сатҳи Маърифати молиявиро боло бурдан даркор, ин мушкилот бартараф мегарданд.
Посух
Шукрона 2019-11-05, 09:00
занхо хамеша оддати бад дорем. хуни мардхро доим мемакем. Биёед бечора мухочиронро ах\з ин беш азоб надихем.
Посух
Abdulloh Saidov 2019-11-05, 10:13
Бале бештар сабаби кашок мондани чомеаи мо чунин одатхои бад аст. Вакте шавхар азоб кашида кор мекунад агар зани бо фикр бошаду дар русто зиндаги кунанд чор бузу гусфанд гирифта ё дар мавсими дехкони кишварзи кунанду каме хам боша хурокаро захира кунанд хеле кумак ва пешрафт мешавад Хози да кишлоко мардум мисли пеш дехкони намекунан Пеш дар зар хона 10. 15 моли хурд буд холо бештаршон затто 1 гови ширтехам надоран.
Посух
Doriem Charlotte 2019-11-05, 10:14
.Чунин ҳолат зиёд мушоҳида карда мешавад..Беҳтараш занҳо бо касбу ҳунари худ,бо меҳнати ҳалол аз паи ҷустани пул гарданд,агар аз уҳдаи ягон кор набароянд,бо сабру таҳаммулу сарфакор бошанд,ба кам шукру қаноат намоянд...Охир муҳоҷирони бечора бо сад машаққат маблаг меёбанд😢😢..
Посух
Сановбар Вахобова 2019-11-05, 10:14
Бале рост сад дар сад чуники то мехнат накуни араки чабинатро мерезонию каме бошад хам зиндагиаатро пеш мебари борои хамин ба курпаат нигох карда пой дароз кардан даркор
Посух
Mukarram Akilova 2019-11-05, 10:14
Ман хам тарафдори шумоен бояд модар хохарон бояд сарфкона кор кунанд ха
Посух
Оbеz 2019-11-06, 23:35
Албатта ин гап дуруст аст , як хел занакхо аз худ рафтагиян .НО! Бовар кунед , хаст хамин хел мардхое , ки дар Россия сум кор мекунанду-барои Хонумошон сарф мекунанд , кайфу-сафо мекунан, вакте ки дар Ватан кудаконашон ва занхошон як ахволи зиндаги доран ☝ Дар ин холат бечора Занхо чи кор кунанд ? Ба ин чи мегуед ??? Худочон Инсофи хамаи бандахоша тияд !
Посух
Шарҳ
Тавсия медиҳем:
МУҲОҶИР
Ҷасади муҳоҷири тоҷикро аз дарё ёфтанд
Модари Ҳасан шаш моҳ қабл аз олам даргузашта, ин ҷавон ягона такягоҳи падар ва аҳли хонаводааш буд, аммо тақдири бераҳм...
1881
0
МУҲОҶИР
Тоссарҳо ( Скинхед) Розия ва Ёрмуҳаммадро бо арматур зада куштанд    
Розия аз шаттаву шаллоқи тоссарҳо даҳону биниаш ғарқи хун аз бародараш илтиҷо мекард, ки зудтар гурезад, вале нангу номуси мардӣ...
1635
1
ҲАВОДИС
28 . 06 . 2019
Р. Азимӣ
Маскав: Муҳоҷири тоҷик дар садама пора-пора шуд (3-акс)
Меҳроб Самадови 22-сола, зодаи ноҳияи Варзоб буда, чанде пеш ба хотири ҷамъ кардани пул барои гузаронидани тӯйи домодиаш ба Русия...
4724
28
маводҳои монанд
АҶАБ ДУНЁЕ
Нигораи 32-сола ба чоҳ афтида мурд(Видео)
Моро саросема карданд, ки пул ҷамъ кунем,то ҳар чӣ зудтар системаи гармдиҳиро васл намоянд, аммо пас аз он ки маблағ...
Нигораи 32-сола ба чоҳ афтида мурд(Видео)
7629
2
ҲАВОДИС
  Тӯйи хунин: мошини ЗАГС ба садама дучор гашт!
Бадбахтона, ин сафари пурнишот барои Суҳайл сафари хунин гашта, ин ҷавони рустамбозуро бо марг рӯ ба рӯ гардонд.
12230
19
СИТОРАҲОИ КИНО
Ханда Солар дар садамаи нақлиётӣ вафот кард?
Дар сериали “Панҷхоҳарон” Ханда нақши хоҳари дуюм-Армуғонро мебозад. Пас аз марги хоҳарбузургаш сарварии оила бар дӯши Армуғон афтида, азобу уқубатҳои...
678
0