Галина Кутерева аз шаҳри Толятти дар боғчаи бачагона ёрдамчӣ шуда кор мекунад. Ин бону як хислати аҷиби табиӣ дорад- сардиро эҳсос намекунад.

Галина ҳатто дар ҳавои сифр дараҷа бо куртаҳои ҳарири тобистона дар кўчаҳо гаштугузор мекунад. Шояд аз таъсири сармо ин зан аз синну солаш хеле ҷавонтар менамояд.

Аксари роҳгузарон бо дидани зани нимбараҳна наздаш омада либоси гарм пешниҳод мекунанд ё чи ҳодиса рух доданашро пурсон мешаванд. Галина ба табассум ҷавоб медиҳад, ки ҳолаш хуб, вале табиаташ чунин сардидўстдор аст.