Дар километри 144-уми шоҳроҳи Душанбе-Чаннок дар ҳудуди ноҳияи Айнӣ як мошини калони боркаш оташ гирифтааст. Дар ин бора ширкати IRS хабар додааст.
Ронандагони дигар кӯшиш ба ронандае, ки мошинаш оташ гирифта буд, ёрӣ расониданд, кормандони идораи сӯхторхомӯшкунии ноҳияи Айнӣ низ сари вақт ба имдод расиданд ва бо талошҳои умумӣ сӯхтор хомӯш карда шуд.
Новобаста ба ҳама талошҳо кабина ва мотори мошин ба пуррагӣ сӯхтааст, вале хушбахтона ронанда зинда монда, бори дар мошин бударо низ аз нобудшавӣ наҷот доданд.
Дар робита бо ин рӯйдод нохуш ширкати IRS аз тамоми ронандагон хоҳиш кардааст, ки ба ҳолати техникии мошинҳои худ диққати ҷиддӣ диҳанд, то чунини ҳодисаҳои нохуш пешгирӣ карда шаванд.
