Як сокини Нидерланд бо номи Вотер ван ден Бош вазнинтарин велосипеди дунёро бо номи «Монстрбайк» сохтааст, ки 750 килограмм вазн дорад ва воқеан ҳаракат мекунад.

Дарозтарин велосипедро бошад, дар Австралия сохтаанд, ки дарозиаш 41,42 метрро ташкил медиҳад.

Барои он ки ин велосипед ҳамчун рекорд ба қайд гирифта шавад, 20 нафар якбора дар болои он нишаста, рондани онро нишон доданд.

Хурдтарин дучарха 11,6 сантиметр дарозӣ дорад ва онро устои ҳунарманд аз шаҳри Краснодар бо номи Сергей Дашевский сохтааст. Баъдтар ӯ велосипеде сохт, ки ҳамагӣ 8,5 сантиметр дарозӣ дорад.

Вале ин дастгоҳи хеле хурд то ҳол расман ба Китоби рекордҳои Гиннес ворид нашудааст.