Дар шаҳри Самарқанд 46-умин Олимпиадаи ҷаҳонии шоҳмоти ФИДЕ идома дорад. Дар даври дуюми мусобиқа мунтахабҳои мардона ва занонаи Тоҷикистон рақобатҳои навбатии худро анҷом доданд.

Мунтахаби мардонаи Тоҷикистон дар ин давр бо яке аз дастаҳои пурқуввати мусобиқа - Англия рӯ ба рӯ шуда, бо ҳисоби 1:3 мағлуб гардид.

Дар ҳамин ҳол, мунтахаби занонаи Тоҷикистон бар тими Словакия бо ҳисоби 2,5:1,5 пирӯз шуд. Ин ғалаба барои шоҳмотбозони тоҷик дуюмин пирӯзии даставӣ дар Олимпиада ба шумор меравад.

Ҳамин тариқ, тими занонаи Тоҷикистон оғози муваффақи худро дар мусобиқа идома медиҳад. Мунтахаби мардона бошад, пас аз пирӯзӣ дар даври аввал, дар даври дуюм бо яке аз рақибони пурқуввати Олимпиада рақобати ҷиддӣ анҷом дод.

Дар даври сеюм, ки имрӯз баргузор мешавад, мунтахаби мардонаи Тоҷикистон бо дастаи Лубнон ва тими занона бо Исроил рақобат мекунанд.