Сангпушти машҳур бо номи Ҷонатан, ки 193 сол дошта, дар ҷазираи Сент-Ҳелена зиндагӣ мекунад, расман рамзи Китоби рекордҳои Гиннес эътироф шуд.

Ҷонатан куҳантарин ҳайвони хушкӣ дар ҷаҳон ба ҳисоб меравад. Ӯ тӯли даҳсолаҳо шоҳиди тағйироти зиёди ҷазира буда, имрӯз ба рамзи умри дароз ва пойдорӣ табдил ёфтааст.

Мақоми «рамзи Китоби рекордҳои Гиннес» танҳо ба рекорддороне дода мешавад, ки дастовардашон дар сатҳи байналмилалӣ аҳамияти бузург дошта, ба миллионҳо нафар илҳом бахшидааст.