НОМИ ПИСАРОНА
Номномаи Исломӣ | Номҳои писарона ва духтарона бо ҳарфи "Ҷ"
155
0

Ҷ –

ҶАЛИЛА а. جلیله муаннаси ҷалил; зани бузургқадр («Амид») («Мунтаҳо», «Нозим», «Деҳхудо»).

ҶАМИЛА а. جمیله 1. зани зебо ва соҳибҷамол, некрухсор;

2. номи яке аз занони ҳазрати Умар ибни Хаттоб.

ҶАҲОНАФРӮЗ جهان افروز мӯҷиби равшании олам, оламтоб, оламафрӯз; ном барои мардон ва ҳам занон.

ҶАҲОНОРО جهانگیر ороишгари дунё, зебо, дилписанд.

ҶОНОН جانان1. нигаҳбони зиндагӣ;

2. маҳбуба, маъшуқа («ФЗТ»); дилбари зебо ва бисёр дӯстдоштанӣ, маъшуқе, ки ошиқаш ӯро монанди ҷони худ дӯст дорад («Фарҳехта», «Дурҷ»); маъшуқ, маҳбуб («Фарҳехта», «Дурҷ», «Муъин»); мураккаб аз ҷон ва он (аломати нисбат); хуб («Бурҳон»); рӯйи зебо, дилкаш, нозанин («Нозим»); муаллифи «Онандроҷ» орад: ба маънии ҷон; ва алифу нун дар охир зоид аст ва ҳамчунин дар ҷовидон ва дар «Муъин» навишта, ки ҷонон маҳбубро гӯянд ва асли ин «ҷоно» буд ба маънии «эй ҷон» («Деҳхудо»);

       Яке дарду яке дармон писандад,

       Яке васлу яке ҳиҷрон писандад.

       Ман аз дармону дарду васлу ҳиҷрон,

       Писандам, он чиро ҷонон писандад.(Бобо Тоҳир)

       Даст аз талаб надорам, то коми ман барояд,

       Ё ҷон расад ба ҷонон, ё ҷон зи тан барояд. (Ҳофиз)

3. шоҳид («ФЗТ», «Фарҳехта», «Дурҷ», «Нозим»).

ҶОНОНА جانانه 1. маҳбуба, маъшуқа («ФЗТ»); маъшуқ, маҳбуб («Фарҳехта», «Дурҷ», «Муъин»); мансуб ба ҷонон; киноя аз маъшуқ ва матлуб бошад («Бурҳон», «ФНЭ», «Fиёс»); киноя аз ин аст, ки ҷон аз ӯст ё ӯ ҷони ман аст («Онандроҷ», «Анҷуманоро»); мақсуд ва мурод («Нозим»); ёр, нигор, дилдор, азиз («Деҳхудо»);

       Ҷоно, ба харобот ой, то лаззати ҷон бинӣ,

       Ҷонро чӣ хушӣ бошад бе суҳбати ҷонона? (Румӣ)

 

       Ё Раб, он шамъи дилафрӯз зи кошонаи кист?

       Ҷони мо сӯхт, бипурсед, ки ҷононаи кист. (Ҳофиз)

2. комил, тамом («Фарҳехта», «Дурҷ»); дар тадовули омма сахт бузург, бисёр қавӣ, азим, бисёр бузург, ба таври комил, фаровон, дурушт, саъб, мӯҳкам («Деҳхудо»).

Хабарҳо дар шабакаҳои иҷтимоӣ:
Шарҳ
(0)
ҲАНУЗ ШАРҲ НЕСТ
Шарҳ