Vegapharm
МУШҚАПАК БАРОИ ОДАМОНЕ, КИ ПУЛИ МУФТ КОР КАРДАН МЕХОҲАНД
1213

Дар Тоҷикистон ду нафар аз аъзои гурӯҳи ҷиноӣ барои ташкили пирамидаи молиявӣ дар кишвар дастгир шуданд, хабар медиҳад додситони кулли Тоҷикистон.

Ба иттилои котиботи ин ниҳод, аз ҷониби намояндагони ҶДММ "Тозакор" дар шакли пирамидаи молиявӣ дар шаҳри Душанбе, вилоятҳои Суғд ва Хатлон содир кардани ҷинояти қаллобӣ ошкор карда шуда, нисбати якчанд нафар парвандаи ҷиноятӣ оғоз гардидааст.

Тафтишот муайян кардааст, ки ин гурӯҳи ҷиноятӣ худро намояндаи ташкилоти хориҷии ҶДММ "Аффинаж" (Ltd"Affinage"), ки гуё бо ташкилотҳои ба истихроҷ, нигохдошт, коркард ва фурӯши нафт, газ, тилло ва дигар ашёи хом машғул буда ҳамкорӣ дорад, муаррифӣ намудаанд.

Онҳо бо ваъдаи додани фоидаи калон барои маблағгузорӣ ба ҶДММ "Аффинаж" зиёда аз 300 нафар шаҳрвандонро ҷалб намуда, аз онҳо дар ҳаҷми аз 100 то 4000 доллари ИМА ба суратҳисоби бонкҳои берун аз кишвари худ гузаронидаанд.

Маблағи умумии аз сокинон гирифташуда, зиёда аз 150 000 доллари ИМА гуфта мешавад.
"Айни ҳол, 2 нафар аз аъзои ин гурӯҳи ҷиноятӣ дастгир шуда, ҷустуҷӯи дигар нафарон идома дорад", - таъкид дорад манбаъ.
Ин ниҳод аз шаҳрвандоне, ки дар натиҷаи фаъолияти ғайриқонунии ҶДММ "Аффинаж" (Тозакор) зарари моддӣ дидаанд ё ин ки оид ба фаъолияти ғайриқонунии ин гурӯҳи ҷиноятӣ маълумот доранд хостааст, ба Прокуратураи генералӣ муроҷиат намоянд.

Поделиться новостью
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД