Бонуи ҳунарманд Мавлона Наҷмиддинова, ки дар қатори дигар офарандагони филми “Роҳ” сазовори Ҷоизаи давлатии ба номи Рӯдакӣ гаштааст, таасcуроташро баён намуд.
Мавлона Наҷмиддинова зимни суҳбат бо сомонаи Oila.tj гуфт:
- Ман то ҳол ҳаяҷон дорам. Ин эҳсосотеро, ки маро фаро гирифтааст, ба забон гуфта намешавад. Аз хурсандӣ ҳанӯз ҳам дилам дар ларзиш аст. Боварӣ надоштам, ки ҳақиқат дорад. Вақте ҷоизаро ба дастам гирифтам, фаҳмидам, ки ҳақиқат будааст, на хоб. Ба ҷоиза пешниҳод кардани маро қариб касе намедонист. Ва ман боварӣ надоштам, ки рӯзе моро ин ҷоиза сарҷамъ мекунад. Сипосгузорем барои ба чунин ҷоизаи баланд қадрдонӣ кардан.
