Бо Малика ном духтараки деҳотӣ тариқи телефон шинос шудам.
Ҳусни ҷамоли гулӯсӯзаш маро ончунон ошиқи шайдои ин духтар гардонд, ки ӯро ҳатто ба сояи худам рашк мекардам. Шабе Малика занг зада гуфт, ки ӯро ба писаир холааш ба шавҳар доданианд, агар дилу нияти ҷиддӣ дошта бошам, зудтар ба хонаашон хостгор фиристам. Маликаҷон, камтараки дигар тоқат кун, ҳамин, ки акаамро хонадор кардем, албатта хостгор мефиристам ва туро бо тӯю тамошо арӯс карда меорам гуфта, вазъиятро фҳмондам. Малика дар ҷавоб чизе нагуфта, телефонро хомӯш кард. Аз байн чанд рӯз гузашту вай даъватномаи тӯяшро оварда, маро ба зазми арӯсиаш таклиф кард. Азбаски зиёд дӯсташ медоштам, дар чашмонам ашк ҳалқа зад, аммо худро мард гирифта, барояш бахти сафед орзу намудам. Малика ҳам гиря карда, қасам хӯрд, ки маро ҳаргиз фармӯш намекунад ва талаб намуд. Ки ман ҳам чунин савганд ёд кунам. Оқибати корро андеша накарда, қасам хӯрдам.
Ҳамин тавр Малика ба писари холааш ба шавҳар баромад, ман бошам, як сол пас бо духтари дигаре шинос шуда, аҳду паймони муҳаббат бастам. Волидонам аллакай ба хонаи он духтар хостгорӣ рафтанд ва бояд ба наздикӣ тӯй шавем, аммо Малика маро то ҳол ба ҳоли худам намегузорад. Вай ҳар шаб ба ман занг зада, дар бораи ишқу муҳаббат қисса мехонад. Чанд бор гуфам, ки ту акнун зани шавҳардор ҳастӣ, ин фикрҳои беҳударо аз сарат дур карда, аз паси зиндагиат шав, аммо ӯ маро шунидану фаҳмидан намехоҳад.
Тӯй бошукӯҳ гузашт, вале таги дилам ким-чихел сиёҳӣ оварда аз сар задани ягон нохушӣ дарак медод.
Ин зани нотарс дар канри писари холааш хобида, аз ҷогаҳи шавҳараш ба ман СМСҳои ошиқона менависад. Метарсам, ки ягон рӯз шавҳараш бохабар шуда, Малика хонавайрону ман таънасори хешу табор мешавам. Илтимос, маслиҳат диҳед, бо ин зани дилбохта чӣ кор кунам?
Файзалӣ, аз маҳаллаи 46
