Бениқоб
Хушдоманам маъшуқаи вазир аст
5764
26

 

Ин бофтаи хаёл не, ҳақиқат аст. Шабҳое, ки шавҳару хусурам дар хона нестанд, хушдори хушдоманам мисли дузд нимашаб ба хонаи мо омада, то дами субҳ айшу ишрат карда меравад. Илтимос, маслиҳатам диҳед, хиёнати модаршӯямро ба хусурам гӯям ё не?

Ман Рӯдоба, келини як оилаи бою бадавлат ҳастам. Ростӣ, дар зиндагӣ аз чизе камбудӣ надорам, аммо як мушкил маро маҷбур кард, ки дарди диламро ба сомонаи ОИЛА навишта, маслиҳат пурсам.

Хусурам дар шаҳри Маскав ширкати тиҷоратӣ дорад ва дар як сол танҳо ду-се мароиба ба хона меояду халос. Хушдоманам низ зани босавод буда, дар як идораи бонуфуз кор мекунад, ғайр аз ин тиҷорати худро кушода, ду толори либосҳои арӯсӣ, кошонаи ҳусн, ҳамчунин чанд мағозаи шахсӣ дорад. Хоҳари шавҳарам чанд сол пеш ба як ҷавони хориҷӣ ба шавҳар баромада, ҳамроҳи оилааш дар Амрико зиндагӣ мекунад. Шавҳари ман ҳам дар хориҷа таҳсил кардааст ва роҳбари филиали ширкати тиҷоратии падараш дар Тоҷикистон аст. Вай ҳар моҳ бо корҳои фирмааш ба Қазоқистон, Маскав, Олмон ва ким-куҷоҳои дигар рафта меояд. Ростӣ, зиндагиамон шоҳона аст, гули чизро хӯрда, гули чизро мепӯшем, дар хона хизматгор дорем, аммо...

Меҳмони нохонда

Дар як њавлии бошукӯҳи сеошёна ман ва шавҳару хушдоманам танҳо зиндагӣ мекунем. Азбаски оилаи шавҳарам тарбияи аврупоӣ доранд, ҳар кас дар ҳуҷраи худаш хоб меравад, ҳатто вақтҳои дар хориҷа будани шавҳарам ҳам, хушдоманам маро ҳамроҳӣ намекунад. Айни замон ҳомиладор ҳастам. Ба ҳамагон маълум аст, ки дар давраи ҳомиладорӣ зан хоби бароҳат надорад. Шабе аз дарди миён бедор шудам ва ташнагии сахтро ҳис карда, ба ошёнаи якум фаромадам, то ки аз ошхона шарбати мева гирифта нӯшам. Тахминан соатҳои сеи шаб буд. Ба ошхона даромада, ба як истакон шарбати шафтолу рехтам ва чанд қулт нӯшидаму беҳолона ба курсӣ нишаста, сарамро бо кафи дастонам доштам. Ҳамин вақт чашмам ба ду соя афтид, ки пасопеш аз ҳуҷраи хоби хушдоманам берун шуданд. Ростӣ, аввал тарсидам, ки ба хона дузд даромадааст. Хостам дод занам, аммо аз тарс овозам набаромад. Дар ҳоле, ки аз тарс дарақ-дарақ меларзидам, оҳиста аз паси он ду соя поидам ва дидам, ки ҳарду ҷониби ҳамом рафтанд. Ҳарчанд кӯшиш мекардам, ки аз ҷоям хезам, наметавонистам. Аз тарс тамоми вуҷудам карахт шуда буд. Намедонам дар ҳамин ҳол чӣ қадар нишастаам, вале як вақт он ду соя аз ҳамом баромда дубора ҷониби ҳуҷраи хоби хушдоманам равон шуданд ва ман дурусттар диққат дода, яке аз онҳоро шинохтам. Хушдоманам бо марди ношиносе оғӯш ба оғӯш ба ҳуҷраи хобаш даромад. Бо гумони он ки шояд шаб хусурам аз Русия омадаасту ман хабардор нашудаам, оҳи сабук кашида ба ҳуҷраи хоби худам баргаштам, аммо...


Шахсоне, ки сари фарзандонашонро ҷуфт кардан мехоҳанд, бо сад роҳу усул, ким-киҳоро восита карда, бо баҳонаҳои гуногун аз бонк пули калон қарз мегиранд, то ки тӯйи бодабдаба ороста, келин фароранд ё духтарашонро бо обрӯ ба шавҳар диҳанд.


 

Сирри фошгашта

Азбаски шаби дароз аз дард нахуфта будам, қарибиҳои субҳдам хобам сахт бурда мондааст. Вақте ки чашмонамро кушодам, соат аз 11 гузашта буд. Чашмонамро молида-молида дасту рӯямро шустам ва ба ошхона даромадам. Хушдоманам бо чаҳраи хандону табъи болида бо меҳрубонии танҳо ба худаш хос гуфт: “Духтарҷон, рангат ким-чихел кандагӣ барин метобад. Мабодо бемор нашуда бошӣ?” Бо аломати инкор сар ҷунбонда, худро рӯйи курсӣ партофтам. Чашмам ба болои миз афтид. Дар рӯйи миз ду қадаҳ, дар зарфе тухми моҳӣ, гӯшти бирён ва як лаълии пур аз мағзу мавизу қандуқ қандалот меистод. Маълум буд, ки хушдоманам аллакай бо касе субҳона кардааст. Ман, ки падаршӯямро дадаҷон мегӯям, содалавҳона пурсидам:

-Дадаҷонам, ҳанӯз аз хоб нахестаанд?

-Дадаҷонат дар ким-куҷоҳо дар бағали беваҳои русаш айшу ишрат доштагист. Вай кай мегӯяд, ки ман зану фарзанд дорам,-даст афшонд хушдоманам, ки алами дар болояш зани рус гирифтани шавҳараш дар дилаш ба захми носур табдил ёфта буд.

“Хусурам наомадааст, пас марде, ки шаб ҳамроҳи хушдоманам ба ҳамом даромад кӣ буд?”-ин андеша барқсон ба сарам зад ва дар ҷоям шахс шудам. Ҳанӯз ҳам боварам намеомад, ки модаршӯйи оқилаву зебои ман ба шавҳараш хиёнат мекарда бошад, вале...

Ошиқӣ пирӣ надорад...

Меҳмони махуфи хушдоманам дар ду ҳафтаи набудани шавҳарам боз чанд бори дигар мисли дузд шабона ба хонаи мо омада, то саҳар айшу ишрат карда рафт. Як субҳ ман ҳатто дидам, ки чи тавр хушдоманам ошиқашро, ки марди қоматбаланди зебо ва хушлибосе буд, то дами дарвоза гусел кард. Акнун бе шаку шубҳа медонам, ки хушдоманам хушдор дорад. Ман эҳсос мекунам, ки модаршӯям аз алам, барқасди шавҳараш, ки дар Русия чандин маъшуқаҳои ҷавону зебо дорад, бо ин марди зебо ишқварзӣ карда, ба қавле тасфи дилашро бо ҳамин роҳ паст кардан мехоҳад, аммо...

Рози фошгашта

Як бегоҳ хӯроки шом мехӯрдем, ки дар телевизор кадом як ҷаласа сар шуд. Хушдоманам ба яке аз мардони хушлибос, ки аз минбар гап мезад, ишора карда, гуфт:

-Ана њамин йигити нозанин дар вақташ ошиқи зори ман буд, вале падарам “ ман ҳатто бачаи сагамро ба ин ќишлоќии пойлуч намедиҳам” гуфта, хостгоронашро аз хона ронд. Аз ман ҳатто напурсиданд, ки ту ба ҳамин ҷавон ба шавҳар баромадан мехоҳӣ ё не. Ба таври худашон домоди бою бадавлати арзанда ёфта, ҳаётамро сӯхтанд...

Хушдоманам дигар чиҳо гуфт, дар ёдам нест, чунки ҳушу хаёли ман ба марди дар минбар буда, банд гашт. Ман ӯро бо як нигоҳ шинохтам-ин ҳамон марди хушлибосе буд, ки шабҳо дуздона ба хонаи мо омада, то субҳ бо хушдоманам айшу ишрат карда мерафт.

Хулоса, аз ҳамон барнома фаҳмидам, ки ошиқи хушдоманам одами оддӣ не, вазир будааст.

Сирри нангини хушдоманамро фош созам?

Ростӣ, ман келин шуда аз хушдоманам ягон бадӣ надидаам. Модаршӯям ба ман бисёр меҳрубон аст, моҳе нест, ки бароям ягон ороишоти тиллоӣ ё туҳфаи қиматбаҳо нахарад. Дар ду соли зиндагиам аз хушдоманам он қадар туҳфаҳои зебое гирифтам, ки дар 23-соли ҳаётам ҳатто чоряки онро падару модарам накардаанд. Келинам ҳомиладор аст гуфта, хушдоманам намемонад, ки дастамро ба оби сард занам. Некиҳои ин зани зебою меҳрубонро надонам, кӯр мешавам, вале бо ин ҳама виҷдонам маро сахт азоб дода истодааст. Модаршӯям зани 45-сола бошад ҳам, ба назар хеле ҷавон менамояд, чунки бисёр зани олуфта буда, ба худаш зиёд диққат медиҳад. Ҳамеша бо атру упо ва усмаю сурма мегардад, ҷавонзани тозаву озода ва хушлибосу дилкаш аст. Одами дидагӣ ӯро 30-32 сола гумон ме кунад. Албатта ӯ ҳоло ҷавон аст ва дилаш меҳрубонию навозиш мехоҳад, аммо шавҳарам бо баҳонаи корҳои тиҷоратиаш мудом дар Русия бевабозӣ карда мегардад. Ман хуб медонам, ки хушдоманам барқасди шавҳараш бо ин мард мегардад, аммо бо ин ҳама барои ман, ки дар оилаи ботақво ба камол расидаам, таҳаммул кардани хиёнати зан нисбат ба шавҳар бисёр душвор аст. Дудила шуда, чӣ кор карданамро намедонам. Рози нангини хушдоманамро ба хусурам бигӯям, яқин дар хона ҷангу ҷанҷоли сахт мехезад, агар нагӯяму ин сирро аз забони ягон каси дигар шунаванд, эҳтимол шавҳарам аз ман ҳам гумони бад бурда, талоқамро диҳад.

Байни обу оташ монда, чӣ кор карданамро намедонам. Илтимос, ба ман маслиҳат диҳед. Кавалербозии модарашро ба шавҳарам бигӯям ё не?

Рӯдоба, ш. Душанбе

 

 

Хабарҳо дар шабакаҳои иҷтимоӣ:
Шарҳ
(26)
Ilhom Mirzoev 2019-08-21, 12:00
Ё тоба ба одамон чӣ шуда истодааст а ? айб дар чӣ бошад ?
Посух
Шукрона Ilhom Mirzoev 2019-08-22, 00:09
Авалу бо хуштоманат фахмон гуй хола чон коратон нодуруст аст, Дар назди худо чавобаш хеле вазмин аст бад бау худо хаволааш дех худованд худаш тугри меккнад мегуянд,;дзди гари паси гуи хар гуи хар як вачаб
Посух
Лутфи Назаршоева 2019-08-21, 12:00
Мурдани ин хел зан бех аст.Бо кадом чашмонаш ба суи шавхараш менигарад.
Посух
Умида Камилова 2019-08-21, 12:01
Ё ТАВБАА ИНХЕЛИ КАЙНАНАШКАХО ХАМ МЕШУДИЯН 🤔 АГАР ХОХЕТ КИ АЗ ШУМО ГУМОНБАР НАШАВАНД ХАМОНРУЗИ ВОХУРИАШОН ОХИСТЕК КАЙНОТЕТОНА ЯНЕ КИ ДАДОИ ШАВХАРАТОНА БО ЯГОН БАХОНА ХОНАТОНБА ТАКЛИФ КУНЕД БИГУЗОР БО ЧАШМОНИ ХУДАШОН БИНАНД ИНХЕЛИ ЗАНАКИ ХИЁНАТКОРАША
Посух
Саври Расулова 2019-08-21, 12:01
Товба.Хато намедони чи маслихат дихи.
Посух
Umronjon Khalifazoda 2019-08-21, 12:02
Шавхаратро гу вай гуяд хубтар худат бо ай хона пешт накна
Посух
908280011 2019-08-21, 12:38
ха
Посух
Хусайн. 2019-08-21, 12:43
Аз суханхоят ин оила "савременный" мебошад ва суханхои Шумо худо медонад таъсир намояд онхоро як шавхаратро хабаррасон намо гуй ба фикрам модарат хамин хел аст.
Посух
Далер Шарипов 2019-08-21, 13:09
Клино тамом шудан бо да хуштоманхо гузарен
Посух
Shahyod Karimov 2019-08-21, 13:10
Пас чарро сири хуштоманша фош мекунад шояд хушдори худаш аст
Посух
Хамватан 2019-08-21, 13:34
Хохари азиз, якум ин ки хусурат якум дар ин бора бояд хуб донад, ки ба гайр аз таъмини оила бояд нафси хамсарашро конеъ карда тавонад. Дуюм ин ки хушдоманат хам алакай медонад, инро ки дар пеши шавхараш хамчун зан дар постел ба у лозим нест. Барои хамин хубтараш, ки худро кару гунг гирифта ба хайёти шахсии хусуру хушдоманат кордор нашав. Чунки якум ба худат окибатхои вазнин меорад. Кори хато, хато аст, як руз худаш руйи об мебарояд.
Посух
Шамсия Хайрулло 2019-08-21, 13:40
Гайбати келин тамом шуд, хушдоманхоба гузаштан дар навбат кайсингилхо мондан.
Посух
Гумном 2019-08-21, 13:56
Мон халал нарасон, вақте, ки шавҳар дар айшу ишрат аст, ин зан магар мурад, аз ҳазор қасру тоҷу сарвату давлат як навозиши мард беҳтар аст.
Посух
Авчак 2019-08-21, 14:19
Эээээ хохар чим карда шин хар хеле куни туро гунахкор мекунан.шахварат модарашро хуб медонад.хусурат занашро.проблема аен кардани ин бешармист .сиро касе фош кунад гунахкораст.ин шумоба даркорай?
Посух
наджибулло 2019-08-21, 15:56
Аппачон бо чашмонат бубин бо гушхояд тасдик кун ва ба худи хушдоманад бигу агар аз ин фосики даст накашад ба шавхараш сиррашро ошкор месози, тагийр ёфт ачр ба хаккат ва гар на садкаи шавхар шавад боз мардхо машукабози кунанд майлаш занхо на айби мардхо низ дар ин ходисахо хаст чунонеки мард нафси шахвони дорад зан аз мард зиёдтар!
Посух
наджиб 2019-08-21, 15:58
Аппачон бо чашмонат бубин бо гушхояд тасдик кун ва ба худи хушдоманад бигу агар аз ин фосики даст накашад ба шавхараш сиррашро ошкор месози, тагийр ёфт ачр ба хаккат ва гар на садкаи шавхар шавад боз мардхо машукабози кунанд майлаш занхо на айби мардхо низ дар ин ходисахо хаст чунонеки мард нафси шахвони дорад зан аз мард зиёдтар!
Посух
Ахмад 2019-08-21, 16:00
Аппачон бо чашмонат бубин бо гушхояд тасдик кун ва ба худи хушдоманад бигу агар аз ин фосики даст накашад ба шавхараш сиррашро ошкор месози, тагийр ёфт ачр ба хаккат ва гар на садкаи шавхар шавад боз мардхо машукабози кунанд майлаш занхо на айби мардхо низ дар ин ходисахо хаст чунонеки мард нафси шахвони дорад зан аз мард зиёдтар!
Посух
Каюмджон Турсунов 2019-08-21, 16:08
Агар шавхаратро дуст дори ва шавхарат хам туро дуст дорад илочашро еб камераи телефонатба запис кун нагмахои хуштоманатро то худат ро оянда аз тухмат эмин дори..баъд ба шавхарат нишон дех ва маслихат кун бо шавхарат чи маслихате шавхарат дихад хамоно ичро кард...
Посух
мехрона Абдулова 2019-08-21, 17:46
мамеди гуфтанад зиндагияд вайроннашава мон худашон фахман офтоба ба доман пушонда намеша пеши келиннам меояд гуфта худадро гунахгормекунад
Посух
Джумаев хасан. 2019-08-21, 18:07
Шумо метавонед бо камераи пинх,они ин х,одисах,оро сапт намоед ва ба шавх,аратон нишон дих,ед набошад дигар ягон илоч,аш нест зеро худат дар зери хархаша мемони ин хиёнаткорро х,атман нишон додан даркор.
Посух
Гладиатор 2019-08-21, 20:10
Далел лозим.Як чанд маротиба ними шаб омаду рафташро сабт кунед.Бо далел ба шавхаратон мурочиат кунед,вагарна худатонро ба дуруггуи муттахам месозанд.
Посух
По.уист 2019-08-21, 22:34
Молчок-язык на крючок, раз она хорошо к тебе относится, главное сама не будь такой. Бху бгард!
Посух
Дониш 2019-08-22, 01:49
Айби шавхараш аст чаро занашро бо худ намебарад ин хел холат бенихоят бсер аст гуфти худашон совримени
Посух
КАРОЛ 2019-08-22, 12:58
Падарлаъната сррчно занг бзан гапзан ки и фоишагарияй ошкор кн хсртда
Посух
Сановбар 2019-08-23, 08:34
Духтарам вакте духтар ба шавхар баромад чи гапе чи кореро дар хонаи шавхараш дид чамш мепушад гуё нашунавид надид хечвакт ин кори хаторо накун ту зиндагии худатро фикр кун зиндаги дар пешаст намедони ояндаи худат чи мешад ту ба ин корат зандагии худатро вайрон мекуни хуштоманат чавобу саволашро худаш медихад хевкат ба хечкасам нагу дили хечкасро наранчон оли ту чавони зиндаги пастию баландихои бисёр дорад агар хохи ояндаи хуб дошта боши нодида гир у агар метарсид ба хонааш намеовард ошикашро.
Посух
Интизор 2019-08-27, 22:08
"Забони дузду ғар дароз аст"-мегӯянд.Мабодо ба тӯҳмати хушдоманат гирифтор нашави хоҳари азиз.Аввал андеша баъд гуфтор.
Посух
Идома
Шарҳ
Тавсия медиҳем:
Муҳоҷир
30 . 05 . 2019
Редактор
Хусурам маро таёқшап карда, аз хона ронд
«Шавҳари гумгаштаам Нурулло, чаро як бор ҳоли зану фарзандатро намепурсӣ? Дарди ҷудоии ту моро бехонумон кард»,- мегуфт зане бо садои...
1247
8
Ҳаводис
07 . 05 . 2019
Редактор
Домод хусурашро корд зад
Манбаъ афзуд, ки дар натиҷа марди ҷабрдида ҷароҳатҳои вазнини ҷисмонӣ бардошта, дар беморхона бистарӣ гардидааст.
170
0
Қиссахои Оила
20 . 05 . 2019
Редактор
Келини сатрпӯш хушдоманашро кушту….
Сабоҳатхола куртаҳои пора-пораи арӯсии духтарашро ба як сумкаи калони сафарӣ андохт ва омин карда, ба Маҳваш фармуд, ки то омадани...
468
1
маводҳои монанд
Муҳоҷир
20 . 08 . 2019
Р. Азимӣ
Шири сафедам кӯрат кунад, бачам!
«Ана дидӣ, падарам дар вақташ хонаро ба номи ман мерос гузоштааст. Ту ба ин хона ҳақ надорӣ, баро дафъ шав...
8742
26
Қиссахои Оила
Зану шавҳари бачакуш
Ту лоиқи падари мо нестӣ! Ба хубӣ баромада нест шав, набошад туро бо ана ҳамин дастонам бӯғи карда мекушаму падарамро...
229
1
Муҳоҷир
21 . 06 . 2019
Редактор
Кафшам аз бачакобӣ ғалбер шуд
Баъди аз занаш ҷудо шудан сарашро гирифта ба Русия рафту бо ҳамин шаш сол беному нишон гум шуд, на занг...
291
1