Ҳаводис
Домод хусурашро корд зад
111
0

 

Вазорати умури дохилии Тоҷикистон аз боздошти марди 27-сола, сокини шаҳри Ҳуҷанд, хабар дод, ки падарарӯсашро бо корд се зарба задааст

 Тибқи иттилои Вазорати умури дохилии Тоҷикистон ҳодиса 6 сентябр тахминан соати 11:00 рух додааст.

"Муттаҳам дар хонаи истиқоматии муваққатиаш, бо падарарӯси 50-солааш, сокини ноҳияи Мастчоҳ, ҷанҷол карда, бо корди хоҷагии дар дасташ буда, се бор ба аъзои баданаш задааст", — омадааст дар иттилоияи ВУД.

Манбаъ афзуд, ки дар натиҷа марди ҷабрдида ҷароҳатҳои вазнини ҷисмонӣ бардошта, дар беморхона бистарӣ гардидааст.

ВУД таъкид кард, ки нисбат ба ин ҳодиса парвандаи ҷиноӣ оғоз гардида, тафтишот идома дорад.

Хабарҳо дар шабакаҳои иҷтимоӣ:
Шарҳ
(0)
ҲАНУЗ ШАРҲ НЕСТ
Шарҳ