Хурдтарин паранда дар ҷаҳон - ин калибрӣ (Trochilidae) мебошад. Калибрӣ парандаи хурдакак ва зебоест, ки қобилияти бо суръати баланд парвоз карданро дорад. Ин намуди парандаҳо аксар вақт дар Амрикои Ҷанубӣ ва Марказӣ вомехӯранд.
Калибрӣ аз ҳама хурдтарин парандагони дунё ба шумор рафта, баъзе намудҳои он аз гул каме калонтаранд. Вазни ин паранда аз 2 грамм то 20 грамм ва андозаи қадаш аз 5 см то 20 см мешавад. Калибрӣ бо ранги дурахшон ва металлӣ фарқ мекунад, ки дар зери шуълаҳои нури офтоб боз ҳам зеботар менамояд.
Новобаста ба ҷуссаи хурдакакаш калибрӣ қодир аст, ки ҳам ба пеш ва ҳам ба қафо парвоз кунад ва ё дар як ҷо овезон шуда истад. Ин намуди парандаҳо дар як соат то 80 километр парвоз карда метавонанд.
Хурдтарин навъи калибрӣ калибрии занбӯри асал (Bee Hummingbird) мебошад, ки танҳо дар Куба ва ҷазираи Исладе-ле -Хувентуд зиндагӣ мекунад. Калибриҳо гардолудкунандаи асосии растаниҳои гулдор мебошанд, ки барои нигоҳ доштани гуногунии табиат муҳим аст.
Судоба АКОБИРЗОДА
