Хурдтарин актёри ҷаҳон Адҷай Кумар дар «Болливуд» нақш меофарад. Баландии қади Адҷай ҳамагӣ 76 сантиметр аст, вале ин мардакчаи ҳунарманд дар зиёда аз 50 филм наќш бозидааст. Одатан бонувон мардони қоматбаландро меписанданд ва қади паст камбудии ҷиддӣ ба ҳисоб меравад, вале қади пасташ Адҷайро баръакси дигар ҳамҷинсонаш машҳур ва азизи дили хонумҳо гардонд. Актёри хурдтарини ҷаҳон Адҷай Кумар бо шарофати қади пасташ натанҳо шуҳрат ва пулу моли зиёд ба даст овард, балки зеботарин бонуро низ асири ишқи худ гардонида, оиладор шуд. Қади занаш аз қади Адҷай ду баробар баланд бошад ҳам, актёр худашро хушбахттарин марди ҷаҳон эҳсос мекунад.