Ин кӯдаки маҳзуну афгор Эҳсон ном дошта, аз моҳи май боз дар бистари беморӣ мехкӯб гаштааст.

Панҷ моҳ пеш Эҳсонҷон табби баланд кард ва волидонаш ӯро ба беморхонаи Истиқлол бурданд. Он вақт падару модари ин писарчаи шӯху зебо ҳатто ба гӯшаи хаёлашон ҳам намеоварданд, ки Эҳсонҷон бо пойҳои худаш ба беморхона рафта, ба ҷойи шифо ёфтан, баръакс беморӣ рӯйи чогаҳ мешавад.

Биёед, моҷарои бемории ин писараки 12-соларо, ки дар ба дари беморхонаҳо сарсону саргардон буда, дар бадали панҷ моҳи маризӣ ба пусту устухон табдил ёфтааст, аз забони волидонаш бишнавем.