Бузургтарин муҷассамаи чойник, ки ба Китоби рекордҳои Гиннес дохил шудааст, қариб 74 метр баландӣ ва 24 метр диаметр дорад. Он дар шаҳри Мейтани музофоти Гуйчжоуи Чин, яке аз марказҳои парвариши чойи кабуд бунёд гардидааст.

Сохтмони муҷассама, ки ҳамчун осорхона хизмат мекунад, соли 2010 ба охир расида, ҳамчунин, дар пояи он меҳмонхонаи чорситорадор ба меҳмонон хизмат мерасонад.

Муҷассама дар баландии теппа воқеъ буда, аз дохили он манзараҳои дилфиреби Мейтанро ба пуррагӣ дидан мумкин аст.