Чемпионати Ассотсиатсияи волейболи Осиёи Марказӣ (CAVA) байни духтарони то 16-сола ҷамъбаст гардид.
Чемпионат бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар якҷоягӣ бо Федератсияи волейболи Тоҷикистон дар «Кохи Олимп»-и шаҳри Душанбе баргузор шуд. Дар он ҷойи якумро варзишгардухтарони Қазоқистон, ҷойи дуюмро дастаи Ӯзбекистон ва ҷойи сеюмро дастаи Қирғизистон ба даст оварданд.
Ҳадафи баргузории мусобиқа рушди маҳорату сатҳи касбии волейболбозони ҷавон, табодули таҷриба, таҳкими муносибатҳои дӯстона ва густариши ҳамкории варзишии кишварҳои Осиёи Марказӣ мебошад.
Баргузории ин чемпионат дар Тоҷикистон барои омодагӣ ба мусобиқаҳои бузурги қитъавӣ ва ҷаҳонӣ, аз ҷумла Чемпионати Осиё ва бозиҳои расмии FIVB барои волейболбозони ҷавон аҳамияти калон дошта, натиҷаҳои дастаҳо метавонанд дар раддабандии минтақавии дастаҳои наврасон таъсиргузор бошанд.
