Нурмуҳаммад ҳамагӣ 33 сол дорад. Дар синни 6 моҳагӣ аз сабаби табъи баланд доштан ба ӯ сӯзандору гузаронданд, вале мутаассифона, сӯзан ба раги асаби Нурмуҳаммад расидаасту ӯро ҳамешагӣ побанди аробачаи маъюбӣ кард.
То оила барпо кардан, Нурмуҳаммад ба тақдир тан дода буду, аз ҳеҷ чиз шиква надошт. Аммо бахт ба рӯйи Нурмуҳаммад хандиду ӯ бо зани асили тоҷик оила барпо кард. Ҳоло ӯ соҳиби духтарчаи дустрӯяки 4 сола ҳасту, пас аз 4 моҳ боз падари тифлаки дигар мешавад. Бо вуҷуди доштани замини наздиҳавлигӣ набудани маблағ ба Нурмуҳаммад имкони сохтани хонаро намедиҳад. Нурмуҳаммад аз он шикоят дорад, ки бар зами маъюб буданаш бе хонаву ҷой аст ва дарбадарӣ ба дилаш зада, аз кулли саховатмандони тоҷики дохилу хориҷи кишвар хоҳиш менамояд, ки ба ӯ кӯмаки худро дареғ надоранд.
