Агробизнес танҳо соҳаи кишоварзӣ набуда, дар натиҷаи занҷираҳои коркардшавандаи маҳсулоти истеҳсолшуда ба миён меояд. Аз ду шохаи мустақил, яъне кишоварзӣ ва бизнес - агробизнес тавлид мешавад.
Хосият Комилова, мудири шуъбаи кор бо занон, ҷавонон ва ВАО-и лоиҳаи USAID оид ба беҳтар намудани рақобатпазирии агробизнес дар Тоҷикистон, дар тренинги имрӯза, ки бо иштироки намояндагони ВАО баргузор гашт, қайд карда шуд.

Ба гуфтаи ӯ агробизнес дар кишвари мо соҳаи ҷадид маҳсуб ёфта, он барои баланд бардоштани сатҳи иқтисодии аҳолӣ ва такмил додани рақобатпазирии соҳаи мазкур дар бахши истеҳсоли маҳсулоти ширӣ ва соҳаи боғдорӣ мусоидат мекунад.
Аз аввали лоиҳа то имрӯз панҷоҳ намуди маҳсулоти нав танҳо дар вилояти Хатлон ба таври занҷира коркард шуда, ба як қатор кишварҳои хориҷ интиқол дода шудааст. “ Вақте мутахассисони сатҳи байналмиллаӣ дар сатҳи ҷумҳурӣ, таркиби шири табиӣ ва меваю сабзавотро санҷиданд.

Маълум гашт, ки аз ҳама шири тоза ва меваҳое, ки аз ҷиҳати фуруктоза бой ҳастанд, дар вилояти Хатлон мавҷуд аст. Аз ин лиҳоз, дар аввал ин минтақаро интихоб карданд”, гуфт Хосият Қаҳорова.
Лоиҳаи мазкур, давоми панҷ сол бо буҷаи 18, 6 миллион долари Амрикоӣ, мутахассисонро дар ин соҳа омода намуда, соҳибкорону кишоварзонро бо техникаву дастгоҳҳои зарурӣ таъмин менамояд.

Агробизнес, яке аз шохаҳои соҳаи кишоварзӣ маҳсуб ёфта, тавассути он таъсис додани ҷойҳои кории холӣ ва содирот намудани маҳсулоти ватанӣ ба кишварҳои хориҷӣ мебошад.