Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон шаҳрвандони кишварро аз хавфи пеш омадани зуҳуроти тарма огоҳ мекунад.

Бино ба иттилои Агентӣ, рӯзҳои 18-19-уми феврали соли ҷорӣ бинобар сабаби баландшавии ҳарорати ҳаво дар баъзе минтақаҳои кӯҳию доманакӯҳии ноҳияҳои тобеи ҷумҳурӣ, шоҳроҳи нақлиётгарди Душанбе-Хуҷанд-Чаноқ (километрҳои 62-74-уми шоҳроҳ) хавфи пеш омадани зуҳуроти тарма боқӣ мемонад.

Рӯзҳои 19-22-юми феврал дар водиҳо борон ва дар доманакӯҳҳо барф дар назар дошта шудааст.