Вазорати корҳои дохилии Тоҷикистон муҳоҷирони меҳнатии тоҷик ва дигар шаҳрвандони Тоҷикистонро, ки дар Русия кор ва зиндагӣ мекунанд, огоҳ намудааст, ки то 30-юми апрел тамоми ҳуҷҷатҳои худро ба тартиб дароварда, будубошашонро дар қаламрави Федератсияи Русия қонунӣ гардонанд, дар акси ҳол ихроҷ - депортатсия карда мешаванд.
“Шаҳрвандони хориҷие, ки дар қаламрави Федератсияи Русия қарор доранд, вале дар ҷойи истиқоматашон худро ба қайд нагирифтаанд, патенти корӣ надоранд, боҷи ҳармоҳаро пардохт накардаанд ё ному насабашон ба рӯйхати шахсони назоратшаванда ворид карда шудааст, метавонанд аз ҳудуди Русия хориҷ нашуда, ҳуҷҷатҳои худро ба тартиб дароранд ва имконияти қонунӣ кор карданро дар қаламрави Федератсияи Русия ба даст оранд”,- омадааст дар изҳороти Вазорати корҳои дохилии Тоҷикистон.
Дар сурати дар муҳлати муайяншуда ҳуҷҷатӣ накардани будубоши худ ба муҳоҷирони меҳнатии тоҷик ва дигар шаҳвандони хориҷӣ, ки ба таври ғайриқонунӣ дар Русия кор ва зиндагӣ мекунанд, хатари ихроҷ шудан аз ин кишвар таҳдид менамояд.
