Мехоҳам ба соҳибкории хурд машғул шавам. Вале фикр мекунам, ки дар марҳилаҳои аввал бароям дар самтҳои ҳуҷҷатгузорӣ мушкилӣ пеш меояд. Оё аз нигоҳи қонун занҳое, ки ба соҳибкорӣ машғул мешаванд, дар ин самт ягон имтиёз доранд?

Ш.Р.

Албатта барои ҳифзи ҳуқуқҳои занон дар қонунгузорӣ тамоми меъёрҳои зарурӣ пешбинӣ гардидаанд. Қонуни Ҷумҳурии Тоҷикистон «Дар бораи кафолатҳои давлатии баробарҳуқуқии мардону занон ва имкониятҳои баробари амалигардонии онҳо», Фармони Президенти Ҷумҳурии Тоҷикистон “Дар бораи тадбирҳои баланд бардоштани мақоми зан дар ҷомеа” ва ғайра, маҳз барои ҳифзи манфиатҳои занон амалӣ шуда истодаанд. Бояд гуфт, ки грантҳои зиёд барои дастгирии занону бонувони соҳибкор ҷой дорад. Бинобар ин, метавонед бе ҳарос барои ҳуҷҷатгузорӣ шуруъ намоед. Дар самти ҳуҷҷатгузорӣ набояд мушкилиҳои зиёд пеш оянд.