Ҳамлагари дастаи футболи  «Манчестер Юнайтед» и Португалия Криштиану Роналдуро аз рӯйи шумораҳои зиёди голҳои задааш ба китоби рекордҳои Гиннес шомил намуданд. Дар ин бора худи футболбоз дар саҳифаи инстаграммаш чунин қайд намудааст: «Аз намояндагони китоби рекордҳои Гиннес сипосгузор ҳастам. Рекордсмени ҷаҳонӣ будан мояи ифтихор аст. Мекӯшам аз ин бештар муваффақ гардам!» Санаи 1-уми сентябр Роналдуи 36-сола дар даври чаҳоруми интихобии Ҷоми ҷаҳонии футбол-2022 бар зидди тими миллии Ирландия ду гол зад. Дар ҳайати тими миллии Португалия Роналду 111 гол задааст. Роналду яке аз футболбозони беҳтарин дар таърих ба шумор меравад.