Рудолф Мартино - сокини иёлати Алабама (ИМА) ба Китоби рекордҳои Гиннес ҳамчун соҳиби дарозтарин риш миёни одамони зинда дохил гардид. Дарозии риши ӯ беш аз як метр аст.
Мартино зиёда аз даҳ сол қабл парвариши ришро оғоз карда, онро ба рамзи шахсият ва фарҳанги худ табдил додааст. Ба гуфтаи ӯ, илҳомро аз анъанаҳои қадимаи халқҳо ва динҳои гуногун гирифтааст.
Мартино, ки дар гузашта сароянда, раққос ва варзишгари вазнбардор буд, ҳоло бозингари касбии билярд аст. Ӯ риши худро бо диққати хоса нигоҳубин мекунад: ҳар рӯз равғану кремҳои намноккунанда истифода мебарад ва ҳар ду ҳафта онро мешӯяд, раванд тақрибан як соат тӯл мекашад, баъдан ришаш се рӯз хушк мешавад.
Гоҳ-гоҳ ӯ ришашро зери курта мепӯшонад, то ба чизе овезон нашавад.
Ба гуфтаи Мартино, вокуниши одамон ба намуди ӯ гуногун аст - аз ҳайрат то тааҷҷуб. Рудолф Мартино ният дорад, ки ришашро боз ҳам дарозтар кунад ва анъанаҳои фарҳангиро, ки ӯро илҳом бахшидаанд, идома диҳад.
