Arzon april 2022
Номномаи Исломӣ | Номҳои духтарона бо ҳарфи "П"
8608

П –

 

ПАДИДА پدیده ном барои бонувон; 1. чизи тозападидомада, навзуҳур, бемонанд дар гузашта («Муъин»);

2. он чи мушоҳида ё ба василаи ҳавос идрок мешавад («Муъин»); 

ПАНОҲ پناه аз асмои занон; маънии он дар луғот: 1. ҳифз, ҳимоят, амон («Муъин»); зинҳор, канаф («Фарҳехта», «Дурҷ»); муҳофизат;

2. паноҳгоҳ, ҷойи устувор («Муъин», «Фарҳехта», «Дурҷ»);

3. ҳомӣ, нигоҳдор («Муъин»); нигоҳбон («Фарҳехта», «Дурҷ»); 

4. саодат («Фарҳехта», «Дурҷ»).

ПАРВИН پروین 1. номи чанд ситорае, ки дар як ҷо ҷамъ шудааст ва ба бурҷи Савр дохил мешавад; Сурайё («ФЗТ»); сурати фалакӣ, ки болои шохи сурати фалакии гов қарор дорад («Муъин», «Фарҳехта», «Дурҷ»); 

2. киноя аз ашк, оби дида («ФЗТ»);

3. киноя аз дандон («ФЗТ»);

4. маҷ. дурахшон;

5. номи манзиле аз манозили қамар («Муъин», «Фарҳехта», «Дурҷ»); 

6. Парвини Эътисомӣ аз шоирони барҷастаи Эрон дар миёни занҳо буд. 

ПАРВОНА پروانه ном барои духтарон аст; маънии он дар луғат: 1. ҳукм, амр, фармон, фармони подшоҳон («ФЗТ»); ҳукмнома («Фарҳехта», «Дурҷ»); далел, раҳбар («ФНЭ»);

2. иҷозат, рухсат;

3. ҳашарае, ки дар шаб гирди чароғ, шамъ ва ғ. мегардад ва худро ба онҳо мезанад; парвонаи чароғ («ФЗТ»); чароғвора бошад ва ӯ парандае бувад, ки худро ба чароғ ё бар шамъ занад ва бисӯзад («Туҳфат-ул-аҳбоб»); 

4. ҳашараест, дорои болҳои хушранг, ки рӯйи гулҳо ва гиёҳҳо менишинад ва шираи онҳоро мемакад ва онро шоҳпарак ва парвонаи рӯз ҳам мегӯянд («Амид»);

5. мураккаб аз парв, ки ба маънии ситора аст ва маҷозан маънии нури чароғ ва шамъ ва лафзи она, ки калимаи нисбат аст («Fиёс»); маҷ. ба маънии нури чароғу шамъ («Баҳори Аҷам»);

6. маҷ. муштоқ, иштиёқманд, ҳавасманд («ФЗТ»).

ПАРИВАШ پریوش аз асмои духтарон аст; маънии он дар луғот: парирӯй, фариштарӯй («ФНЭ»); 

ПАРИВОР پریوار номи духтарона; паримонанд, чун парӣ: маҷ. зебо, хубрӯй («ФЗТ»); париосо, монанди пари зебо.

ПАРИДУХТ پری دخت 1. паридухтар, паризод; зебо, хушрӯй («ФЗТ»); паризода, духтари зебо чун парӣ;

2. номи духтари подшоҳи Чин – модари Зол – падари Рустам – зани Соми Наримон («ФНЭ»); 

ПАРИЗОД پریزاد ном барои занон; 1. фарзанди парӣ, зодаи парӣ («ФНЭ»); насли парӣ, паринажод; бисёр зебо, хушрӯй (сифати маҳбуба, «ФЗТ», «Деҳхудо»); бачаи бисёр зебо («Амид»); 

ПАРИЗОДА پریزاده аз асмои занон; 1. фарзанди парӣ; фарзанди зани хубрӯй;

2. бачаи бисёр хубрӯй, кӯдаки хушсимо.

ПАРИНОЗ پریناز духтаре, ки чун парӣ ноз мекунад, дорандаи нози зебо. 

Поделиться новостью
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД