– О –
ОБИДА а. عابده муаннаси обид; зани Худопараст ва покдоман.
ОБНӮШ آبنوش номест мансуб ба занон; маънии он дар фарҳангҳо: 1. дӯстдори рӯшноӣ («Зебоном»);
2. номи зане мебошад дар достони «Вису Ромин».
ОБОН آبان аз асмои занон; маънии он дар фарҳанг: 1. моҳи ҳаштуми соли шамсӣ, ки ба 23 октябр – 21 ноябр рост меояд («ФЗТ», «Fиёс», «Муъин»); тибқи тақвими кунунӣ, мутобиқ бо моҳи дувуми пойиз аст («Фарҳехта», «Дурҷ», «Амид», «Сиҳоҳ»);
2. рӯзи даҳуми ҳар моҳи шамсӣ («Фарҳехта», «Дурҷ», «Fиёс», «Муъин»);
3. номи ҳамсари Доро – подшоҳи давраи Сосонӣ.
ОДИЛА - عادلھ боадолат, боинсоф
ОВИД آوید номест мансуб ба зан; маънии он дар фарҳанг: огоҳ, доно («Зебоном»).
ОВИН آوین номест занонро; маънии он дар фарҳанг: нигаристан, тамошо кардан, бо жарфнигарӣ баррасӣ кардан («Зебоном»);
Рекомендуем
ОВИНО آوینا ном барои зан аст; маънии он дар фарҳанг: пинҳон, нопайдо, ноошкор («Зебоном»).
ОВИСТО آویستا ном барои занон бошад; маънии он дар луғат: огоҳидиҳанда («Зебоном»).
ОВИШ آویش исмест аз асмои занон; маънии он дар фарҳанг: ошкор, ҳувайдо, пайдо («Зебоном»); равшан, аён.
ОЗАРГУЛ آذرگل аз асмои занон; номи гули оташранг; вартоҷ, офтобпараст.
ОЗАРҲУР آذرهور номи зардуштӣ.
ОЗАРҲУМОЮН آذرهمایون зане ҷодугар аз наҷоди Сом.
ОЗОД آزاد (Озот – паҳлавӣ) номест мансуби мардон ва занон; маънии он дар фарҳангҳо: 1. раҳо, вораста, халос, фориғ; аз қайду тааллуқот фориғ; касе, ки бандӣ ва асир нест; муқобили зиндонӣ («ФЗТ», «Муъин», «Фарҳехта», «Fиёс», «Деҳхудо», «Ф.Шоҳнома»); хуррам («Амид»);
2. бемушкилӣ, бехалал, ба осонӣ («ФЗТ»);
3. тамом, комил, пурра («ФЗТ»); беайб ва комил («Fиёс»); мукаммал, бенуқс;
4. соҳиби хислатҳои накӯ, асилзода, шариф, наҷиб, ҷавонмард («ФЗТ», «Ф.Шоҳнома»); восил («ФНЭ»); набил;
5. хурсанд, шод, шодмон, масрур, фараҳманд;
6. сарбаланд, сарфароз («Деҳхудо»);
7. солим, бегазанд («Деҳхудо»);
8. вораста, беалоқа ба мол ва ҷоҳ монанди он («Деҳхудо»); ринд, дарвеш («Деҳхудо»);
9. пок, афиф, мубарро, барӣ.
10. маҷ. бахшидан, афв кардан («Деҳхудо»);
11. Озод Аминзода – шоираи тоҷик, духтари шоир Муҳиддин Аминзода (1933-2009).
ОЗОДА آزاده номи занона; маънии он дар фарҳангҳо: 1. раҳо («Муъин»); он ки бандаи кас набошад («Фарҳехта»); озод ва вораста («Амид»);
2. сахӣ, карим, дасткушод («ФЗТ»);
3. паҳлавон, диловар, далер («ФЗТ»);
4. тоза, покиза («ФЗТ»);
5. бепарво; тарки дунё карда, қаландармашраб («ФЗТ»);
6. лақаби хосси эрониёни қадим («Ф.Шоҳнома», «ФЗТ»); эронӣ («Муъин»);
7. асил, наҷиб («Муъин»); озодмард, ҷавонмард («Амид»);
8. Баҳроми Гӯр маъшуқае дошт, ки Озода ном дошт ва ӯ найнавоз буд.
ОЗОДСАРВ // ОЗОДАСАРВ آزادسرو//آزاده سرو номест барои ҳам риҷол ва ҳам занон; 1. маҷ. бонуи зеборухсор ва мавзунқоматро мегӯянд;
2. номи яке аз андешамандони зардуштӣ, нависандаи «Номаи фарзонагон» («ФНЭ»);
3. номи касе, ки Фирдавсӣ достони марги Рустамро аз забони вай нақл мекунад («Ф.Шоҳнома»).
