Номи духтарона
Номҳо бо ҳарфи "Ё"
307
0

– Ё –

ЁҚУТ یاقوت санги гаронбаҳо, ки сурх, зард, кабуд, сабз ва сафед мешавад.

       Биёростандаш ба дебои зард,

       Ба ёқуту пирӯзаву лоҷвард. (Абулқосим Фирдавсӣ)

2. киноя аз лаби сурх.

       Ту дар ёқут пинҳон кардаӣ дур

       Чунон к-андар само иқди Сурайё. (Исмат)

ЁСАМАН//ЁСАМИН//ЁСУМАН یاسمن//یاسمین 1. гулест хушбӯ бо баргҳои сафед ё зард, ё кабуд; ёсамин, ёсуман ёс, ва суман ҳам гӯянд («Ф.Камол»).

       Зулфат, ки бар суман гираҳи анбарин занад,

       Тавқеи ҳусн бар варақи ёсамин занад. (Камол)

2. киноя аз рӯи маҳбуб.

       Пирояи ёқути лабат дурҷи гуҳар шуд,

       Машшотаи гулбарги рухат ёсуман омад. (Камол)

Хабарҳо дар шабакаҳои иҷтимоӣ:
Шарҳ
(0)
ҲАНУЗ ШАРҲ НЕСТ
Шарҳ