Номномаи Исломӣ | Номҳои духтарона бо ҳарфи "Д"
2045

Д –

 

ДАСТАГУЛ دسته گل гулдаста.

ДИЛАНГЕЗ دل انگیز 1. пурдил, ҷасур, диловар («ФЗТ»); шуҷоъ («Фарҳехта»);

2. гуворо («ФНЭ»); дилангезанда, ангезандаи дил, диловез, гиро, дилфиреб, гуворо, марғуб, матлуб («Деҳхудо»); он кӣ ва ё он чӣ дилро барангезад ва ба ҳаяҷон оварад («Фарҳехта»). 

ДИЛАФРӮЗ دل افروز 1. дилкушо, фараҳбахш («ФЗТ»); афрӯзандаи дил, дилфурӯз, дилшодкунанда, хуррамибахш («Деҳхудо»); равшанкунандаи дил, шодиовар, он ки сабаби шодию шодмонӣ шавад, мӯҷиби фараҳи хотир.

2. маҷ. маҳбуба, маъшуқа («ФЗТ»); киноя аз маъшуқ ва маҳбуб («Деҳхудо»); 

3. ситора, ахтар («Деҳхудо»); 

4. зеборӯй, мояи равшании дил («Деҳхудо»).

      ДИЛБАР دلبر 1. дилкаш, дилфиреб; касе, ки бо ҳусни худ дигареро дилбохтаи худ мекунад, барандаи дил; хушрӯ, раъно («ФЗТ»); он ки дил мерабояд («Фарҳехта», «Нозим»); дилрабо, он ки дилҳои ушшоқ ба ҳусну карашма барад («Деҳхудо»); 

2. маҷ. маҳбуба, ёр («ФЗТ»); маъшуқ, маҳбуб («Дурҷ», «Фарҳехта», «Муъин»); аз асмои маъшуқ аст («Онандроҷ»); зани нозанину нигор («Нозим», «Деҳхудо»).

     ДИЛБАСТА دلبسته ошиқ, гирифтори банди ишқ («ФЗТ»); дилбохта, гирифтор («ФНЭ»); шайдо («Муъин»); дилдода («Деҳхудо»).

ДИЛДОДА دلداده 1. ошиқ, шефтаву шайдо («ФЗТ»); дилбаста, дилбохта («Фарҳехта», «Дурҷ», «Муъин»); фирефта («Деҳхудо»);

2. алоқаманд, роғиб, моил («Дурҷ»).

ДИЛДОР دلدار 1. маъшуқа, маҳбуба («ФЗТ»); маҳбуб, маъшуқ («ФНЭ», Муъин», «Фарҳехта», «Муҳаззаб-ул-асмо»); аз асмои маъшуқ (аз «Онандроҷ», «Деҳхудо»).

    2. раҳмдил; ғамхор, дилбараҳм, дилсӯз («ФЗТ»);

    3. бебок («ФНЭ»); далер, диловар («Муъин»); шуҷоъ, боҷуръат («Фарҳехта»).

ДИЛКАШ دلکش 1. дилписанд, марғуб, хуб, хушоянд («ФЗТ»); дилпазир («Муъин», «ФНЭ», «Дурҷ»); дилрабо («Фарҳехта»); рабоянда ва кашандаи дил ба сабаби зебоию дилфиребӣ ва хушию кашӣ ва ҷуз он, сифати зебову некӯ ва кашу фиребо, марғубу матбӯъ («Онандроҷ»); ҷаззоб, матлуб, маҳбуб, писандида («Нозим», «Деҳхудо»); 

2. он ки дилҳои ошиқ ба сӯяш моил шавад («Шарафнома»); маъшуқ («Нозим», «Деҳхудо»);

3. номи оҳанге аз оҳангҳои мусиқӣ («Деҳхудо»).

ДИЛКУШО دلکشا фараҳбахш, рӯҳафзо, дилкаш («ФЗТ»); он чи мӯҷиби шодии дил шавад («ФНЭ»).

ДИЛНАВОЗ دلنواز 1. лутфкор, марҳаматпеша, навозишкор; дилором («ФЗТ»); мушфиқ, меҳрубон, тасаллидиҳанда («ФНЭ»); 

    2. марғуб, хушоянд, дилписанд («ФЗТ»);

3. маъшуқ, маъшуқа, маҳбуб, дилором, дилҷӯ («Деҳхудо», «Дурҷ»).

   ДИЛНИШИН دلنشین дилчасп, дилписанд, писандида, мақбул («ФЗТ»); 

   ДИЛОРО(Й) دلار(ی) 1. дилхушкунанда; дилписанд; хуб, зебо («ФЗТ»); 

     2. маҷ. маҳбуба («ФЗТ»); маъшуқи зебо, маҳбуб («Фарҳехта»); маъшуқ, дилбари зебо («Амид»).

     ДИЛҶӮدلجو писандида, дилхоҳ

ДИЛОРОМ دلارام 1. оромишбахшандаи дил («Муъин», «ФНЭ»); 

     2. дилосуда, хурсанд («Ф.Шоҳнома»);

3. дилбар («Муъин»); маъшуқи зебо («Фарҳехта»); маҳбуб («ФНЭ»); зани нозанин ва дилкаш, маъшуқа («Нозим», «Деҳхудо»); дӯстдошта («Ф.Шоҳнома»).

4. киноя аз фарзанд («Ф.Шоҳнома»).

ДИЛПАЗИР دل پزیر дилхоҳ

ДИЛРАБО(Й) دلربای 1.дилкаш, дилбар, зебо («ФЗТ»).

2. маҷ. маҳбуба («ФЗТ»); маъшуқ, маҳбуб («ФНЭ», «Фарҳехта», «Нозим», «Деҳхудо»);

3. рабояндаи дил («ФНЭ»); касе ё чизе, ки дили шахсро ба худ ҷалб кунад («Фарҳехта»); он ки ошиқ созад, он ки шефта кунад. 

ДИЛСИТОН دلستان дилкаш, зебо.

ДИЛСӮЗА دلسوزه ниг. дилсӯз.

ДИЛОГОҲ // ДИЛОГАҲ دلاگاه//دلاگه бедор, огоҳ бар дил; дурандеш («ФНЭ»).

ДИЛФУРӮЗ دلفروز ниг. дилафрӯз 1. 

    ДИДОРА -  دیداره мулоқот, вохӯрӣ; рӯй, чеҳра

    ДИЛНОЗА -  دلنازه таннозу зебо, дилписанд

    ДИЛОСО -  دل آسا он ки ба дил осоиш бахшад, фараҳбахш

    ДИЛРАБО -  دلربا дилбар, дилкаш, дилписанд

     ДИЛШОДА -  دلشاده хушу хурсанд, дилшодкунанда

ДОДОФАРИД دادآفرید 1. падидомада барои ситоиш («Зебоном»); 

2. дӯстдори доварӣ, хостори доварӣ ва додгарӣ («Зебоном»); 

3. холиқи адл, офаринандаи дод («Зебоном»); 

4. аз дод офаридашуда, халқшуда аз дод («Деҳхудо»);

5. аз номҳои Парвардгор («Зебоном»); аз номҳои Худои таоло («Бурҳон», «Деҳхудо»);

6. номи навое аз хунёи порсӣ («Зебоном»); 

7. номи суруде, ки Борбад барои Хусрави Парвиз хонд («Зебоном»). 

     ДУРАХШОН درخشان тобон, рахшон; равшан, ҳувайдо («ФЗТ»); фурӯзон («ФНЭ»); тобанда («Зебоном»); равшанидиҳанда («Муъин»); дурахшанда («Фарҳехта»).

    ДУРДОНА دردانه 1. як дона дур; дурри якто («ФЗТ»); донаи дур, марворид («Фарҳехта»); марвориди якто («Муъин»); як дона марворид («Нозим», «Деҳхудо»);

2. киноя аз азиз, нури дида («ФЗТ»); бисёр гиромӣ («Муъин»); 

3. киноя аз маъшуқ («Деҳхудо»).

  ДУРДОНА -  دردانھ дурри якто, фарзанди якто, фарзанди азиз

  ДУРРИЯ -  دریھ марворид, гавҳар

Поделиться новостью
Шарҳ
(2)
Диловара 2019-09-21, 20:41
Дил оварда
Посух
Фарахноз 2019-10-21, 15:05
Маънои номи Фарахноз
Посух
НОМАТОНРО НАВИСЕД
ШАРҲАТОНРО ГУЗОРЕД
Шарҳ
(2)
Диловара 2019-09-21, 20:41
Дил оварда
Посух
Фарахноз 2019-10-21, 15:05
Маънои номи Фарахноз
Посух
НОМАТОНРО НАВИСЕД
ШАРҲАТОНРО ГУЗОРЕД