Лалит Патидар, ҷавони 18-солаи ҳиндӣ ба Китоби рекордҳои Гиннес ворид шуд. Ӯро марди сермӯйтарини ҷаҳон эътироф карданд.
Сабаб бемории нодире бо номи гипертрихоз аст, ки онро «синдроми одам-гург» низ меноманд. Ин беморӣ боиси афзудани мӯй дар тамоми бадан мегардад.
Дар мавриди Лалит, тақрибан 95 фоизи пӯсти ӯ, ҳатто бинӣ, пурра бо мӯй пӯшонида шудааст. Бо вуҷуди ин, ҷавон мегӯяд, ки ҳолаташ ба ҳаёти ҳаррӯза таъсире надорад, ӯ таҳсилу кор мекунад ва худро хушбахт эҳсос менамояд.
