Эмилио Флорес Маркес 8-уми августи соли 1908 дар шаҳри Каролинаи кишвари Пуэрто-Рико ба дунё омадааст. Ӯ даҳ бародару хоҳари дигар доштааст.

Чанде пеш вай ҳамчун кӯҳансолтарин марди сайёра шинохта шуд ва кормандони Китоби рекордҳои “Гиннес” ба ӯ шаҳодатномае доданд, ки синну солаш 112-сола навишта шудааст. Номбурда моҳи август 113-сола хоҳад шуд. Ҳамсараш Андреа Перес баъди 75 соли зиндагии якҷоя, соли 2010 аз дунё гузашт. Онҳо соҳиби чор фарзанд буданд, ки ҳоло ду нафарашон барҳаётанд.