Life - Stars
Исматулло Холов: Зан чалфас бошад, мард ғар мешавад!  
2238
21

 

-Акои Исматулло, сарояндаҳо дар ҳама давру замон дар байни занҳо муштариёни зиёде доранд. Росташро гӯед, барои дили чунин йигити зебо ва машҳурро ба даст овардан чанд духтар даст ба гиребон шудаанд?

-(Механдад) Духтарҳои ошиқи зор албатта буданд, вале дили банда, ки ба ҳамин янгаатон Мавҷудахон кашол буд, чашми ошиқ кӯр аст, гуфтагӣ барин, ба ғайр аз вай дигар ягон нозанин дар чашмам наметофт.

-Одатан падару модароне, ки бачаи зангир доранд, барвақт аз байни хешу табор ва ёру дӯстонашон ягон духтаракро таги чашм карда мемонанд. Волидонатон аз муҳаббати шумо огоҳ шуда, дар саратон чормағз нашикастанд?

-Баръакс, хурсанд шуданд, ки ман духтари хондагии босаводро интихоб кардааму дар зиндагӣ азоб намекашам.

-Янга кадом донишкадаро хатм намудаанд?

-Янгаатон аз рӯйи ихтисос муаллима-омӯзгор аст. Соли 1987 моро ба Донишкадаи омӯзгорӣ, ки ҳамон вақт бо номи “Пединститут” машҳур буд, ба як маҳфил даъват карданд. Дар ҳамон ҷо Мавҷудахонро дида, бо як нигоҳ ошиқи зораш гаштам ва падару модарамро ба хонаашон хостгорӣ фиристодам.

-Вақти зангирии шумо ҳам танзим буд?

-Не, он замонҳо танзим гуфтагӣ гап набуд. Падару модарам се шабу се рӯз ба мардум ош дода, сари моро ҷуфт намуданд.

-Зиндагӣ қонунҳои нонавиштаи худро дорад ва баъзан ситораи ошиқон баъди хонадор шудан бо ҳам рост намеояд. Байни шумо ва ҳамсаратон боре ягон нофаҳмӣ шуда буд?

-Медонед, зани ман зан не, ороми ҷон аст. Ман бисёр вақт фикр мекунам, ки агар бо ягон зани дигар хонадор мешудам, шояд дар зиндагӣ чандон хушбахт намешудам. Мавҷудахон, ки табиатан зани хирадманд буд, мо тавонистем, ки дар тули зиёде аз 30 сол зери як бом орому осуда зиста, ба ҳамдигарфаҳмию ҳурмату эҳтиром фарзандони худро дар руҳияи неки инсонӣ тарбият намоем.

-Имрӯз дар сар то сари Тоҷикистон одамеро ёфтан душвор аст, ки Нигора Холова ва Суруш Холовро нашиносад. Дар тарбияи фарзандонатон саҳми кӣ бештар аст: шумо ё модарашон?

-Нозукиҳои санъатро Суруш ва Нигораҷон албатта аз ман омӯхтаанд, вале бояд иқрор шавам, ки дар тарбияи маънавии онҳо саҳми модарашон бештар аст. Азбаски ман сароянда будаму хеле кам фурсати дар хона бо бачаҳо машғул шуданро доштам, ҳамсарам тамоми қуввату малакаи хешро сарфи тарбияи фарзандонамон менамуд.

-Мегӯянд, ки замони Шӯравӣ сарояндаҳо дар тӯйҳои мардум то субҳ суруд мехонданд...

-Ҳақ асту рост! Ману марҳум Кароматуллои Қурбон он замонҳо машҳур будем ва қариб ҳар рӯз ба ин ё он тӯй даъват мешудем. Баъзан тӯй то соатҳои 4-5-и бомдод идома меёфт. Бо шарофати танзим имрӯз кори сарояндаҳо хеле осон шудааст, ҳамагӣ 2-3 соат суруд хонда, ҷонашонро халос мекунанд...

-Аксари сарояндаҳо дар ҳаёти оилавӣ хушбахт нестанд. Сабаби ин носозгориро шумо ҳамчун марди таҷрибадор дар чӣ мебинед?

-Ман ҳам тез-тез мехонам, ки фалон ҳофиз аз ҳамсараш ҷудо шудааст ё фалон сарояндаро занаш ба суд додааст. Бовар кунед, ҳамаи ин аз рӯйи бесаводӣ аст. Зани бофаросат ҳеҷ гоҳ ба хотири як СМС ё занги телефонии кадом як мухлис шуда, зиндагиашро вайрон намекунад.

-Шумо занҳоро гунаҳкор мекунед, вале мардҳои сароянда ҳам чандон мусичаи бегуноҳ нестанд, баъзан чунон корҳое мекунанд, ки ...

-Албатта ман гуфтанӣ нестам, ки дар вайроншавии оилаҳо фақат занҳо гунаҳкоранд. Мардҳои сароянда ҳам набояд масъулияти худро ҳамчун мард аз ёд баранд. Инсон дар кадом пояе, ки қарор надошта бошад, бояд фарзандонашро дар мақоми аввал гузорад, зеро оила чизи муқаддас аст.

-Акои Исматулло, росташро гӯед, маъшуқабозӣ мекунед?

-Ман ягон вақт чунин одати бад надоштам. Намедонам, табиатан майл набуд ё бо сабаби пайваста дар фикри эҷодиёт будан ман ҳатто фурсат намеёфтам, ки дар ин бора фикр кунам.

-Хуш ба ҳоли янга, ки чунин шавҳари вафодор дорад!

-Духтарбоз шудану нашудани мард аз бисёр ҷиҳат ба зан вобаста аст. Ҳамсараш ҳамеша гул барин зебо, тозаю озода ва меҳрубон бошад, мард ҳеҷ гоҳ думболи зани дигарро намегирад.

-Ҳоҷати дар бораи Суруш ва Нигора ҳарф задан нест, зеро онҳо бо ҳунари хеш худро кайҳо ба мардум шиносонидаанд. Бигӯед, ки писари хурдиатон машғули кадом касбу кор аст?

-Фарзанди сеюми мо Сиёвушҷон яке аз донишгоҳҳои машҳури шаҳри Шарҷаи Аморати мутаҳиди Арабистонро хатм карда, чанде пеш ба Ватан баргашт ва имрӯз дар риштаи магистратура таҳсил намуда истодааст. Ману модараш ният дорем, ки то соли нав сарашро ҷуфт карда, охирин орзуву ҳавасҳоямонро амалӣ гардонем.

 

-Фарзанд бодому набера мағзи бодом гуфтаанд. Чанд набера доред?

-Ду набераи ширинак дорем. Аз Сурушҷон як духтарча бо исми Ҳадяхон ва аз Нигора як духтарча бо исми Амирахон.

-Шумо ҳамчун мард худро дар зиндагӣ хушбахт меҳисобед?

-Дар сояи давлати фарзандон орому осоишта умр ба сар бурдан худаш хушбахтӣ аст!

 

Хабарҳо дар шабакаҳои иҷтимоӣ:
Шарҳ
(21)
Фаридун Хайруллозода 2019-06-26, 11:33
Ҳарчи зан надорм ҳоли ??
Посух
Burhoniddin Muslihiddinov 2019-06-26, 11:33
Хуш ба ҳолт додар
Посух
Фаридун Хайруллозода 2019-06-26, 11:33
Burhoniddin Muslihiddinov Бовар кн??
Посух
Abdul Qahar Murad 2019-06-26, 11:55
Бошад ягон хунарманде ки занаш раккоса бошад?
Посух
Махина 2019-06-26, 12:43
Чалфас ва Гар. НЕЮ КАМЕ МУЛОИМТАР МЕОМНДЕН НАГЗ МЕШУД
Посух
Фаромарзшох 2019-06-26, 13:43
Хамааш хубу лекин ба номхои зебо калимаи узбакиву чиниву мугулии хон- хонро фахмида хайрон шудам. Миллати Хон (чин)хеле бузург аст инашро низ медонем.
Посух
Нилуфар Нилуфар 2019-06-26, 14:56
Агар зан чалфасам набошад покизаи фаришта хам бошад мегаштаги мардаки ифлос саг борин мегардад кошки хамин гапа гуфтаги кас аз зан боло занако кати гашта гар шаванд ин гапро мардаки беномус гуфтаги фикри ояндаи фарзадоша намекардаки мардак мегуфтагиста
Посух
Табарзад Нилуфар Нилуфар 2019-06-26, 20:40
Чалфасаш чист? Ин кадом забон??? Дар мачаллаи оила чунин хатоги рох дорад ман хайрон мешавам ин чумла аз кучо ва чи маъно дорад
Посух
Сайёра Халифаева 2019-06-26, 14:56
Интихоби ҳамсар ба Шумо вобастааст вале дар расонаҳо ин суханонро иршод кардан ба Шумо намезебад
Посух
Abdul Qahar Murad 2019-06-26, 14:57
Бошад ягон хунарманде ки занаш раккоса бошад?
Посух
Гулнора Мирзорахматзода 2019-06-26, 14:57
Барои баъзе мардхои мухтарами мо хамеша бахонае пайдо мешавад.
Посух
Нисо Бобиева 2019-06-26, 14:57
Дар ёши ин гапхоро кош мегуфтед.............
Посух
Боки Наджотов 2019-06-26, 14:58
Хамааш мувофики таъби шахвар мешавад.
Посух
Sayora Siddikkhon 2019-06-26, 14:58
Харду сахт монанданд.муносиби якдигар
Посух
Абдулхамидова Парвина 2019-06-26, 14:59
Бехтарин оила! Барои шифо ефтани духтарошон кушишхои зиед намуда дар баробари ин 2 сарояндаи боистеъдодро тарбият намуданд! Офарин!
Посух
Hukmiddin Davlatov 2019-06-26, 14:59
Мард чалфас бошад зан чи кор кунад????
Посух
Алишер Ализода 2019-06-26, 15:00
Ака рута сиёҳ кади аз занат метарси барои ҳамин меги кӯ навсат бо кампиро мекашад ҳамин тра
Посух
Нилуфар Нилуфар 2019-06-26, 15:00
Агар зан чалфасам набошад покизаи фаришта хам бошад мегаштаги мардаки ифлос саг борин мегардад кошки хамин гапа гуфтаги кас аз зан боло занако кати гашта гар шаванд ин гапро мардаки беномус гуфтаги фикри ояндаи фарзадоша намекардаки мардак мегуфтагиста
Посух
фарзонка Гульи 2019-06-26, 15:00
баьзе занхои чалфасе хастки бо мардошон дустшон медоранд
Посух
Бурчи кабутарон 2019-06-26, 20:54
Оилахохиш мекунам ягон шахси забоншиносро бигзоред то хикоя нависад то оммафахм бошад.баъзе калимахотон слишком нофахмост
Посух
Хадиса 2019-06-26, 22:20
Офарин ба чунин мардхо бдай дармохам ихели мардако.ай мо дсумпула беван дарав хадиси паембар баедшон мезана зангрфтандаркор савоб бай меган зари калонсол намегиран 2000зорум Боша.ай хона ай кудако фромкшт мекнан
Посух
Шарҳ