Ҳаводис
Ёвон: Умеда бо хусумати шахсӣ Ҷамиларо ваҳшиёна кушт
1923
2

Дар ноҳияи Ёвон шахсе, ки Ҷамила Воҳидоваро дар назди даромадгоҳи бинои истиқоматиаш бераҳмона ба қатл расонида буд, боздошт шуд, хабар медиҳад дафтари матбуоти Вазорати корҳои дохилии Тоҷикистон.

Тавре манбаъ менависад, кормандони ШВКД дар ноҳияи Ёвон дар якчоягӣ бо кормандони Шуъбаи кофтукови ҷиноятии РВКД дар вилояти Хатлон гумонбари куштори сокини ноҳияи Ёвон, Воҳидова Ҷамила Артеловна, ки санаи 3-юми июли соли равон бо як бераҳмии махсус дар назди даромадгоҳи бинои истиқоматиаш, воқеъ дар ҷамоати шаҳраки Ҳаёти нав, бо истифода аз корди ошхонагӣ ба ҳалокат расонида шуда буд, дастгир намуданд. 

“Ин нафар Ғафурова Умеда, соли таваллудаш 1994, зода ва истиқоматкунандаи ноҳияи Ёвон, ҷамоати Обшорон мебошад, ки аз рӯи хусумати шахсӣ даст ба куштор задааст”, — омадааст дар иттилоия.

Айни ҳол нисбати Ғафурова Умеда дар Прокуратураи ноҳияи Ёвон парвандаи ҷиноятӣ бо моддаи 104 Кодекси ҷиноятии Ҷумҳурии Тоҷикистон оғоз гардида, тафтишот идома дорад.
Бознашр аз сомонаи "Тajikistantimes.com"

Хабарҳо дар шабакаҳои иҷтимоӣ:
Шарҳ
(2)
Нинина 2019-07-06, 12:10
Чаро хабарро менависеду пурра намегуед?барои Чи ин корро кардаст Чи кина е хусумате байни онхо будаст?одам хайрон мемонад барои Чи ин чиноят шудааст.хамина нависед ба сабаб ин вокеа рух додаст.
Посух
Духтараки танхо 2019-07-18, 17:20
Чавоб ба Нинина:Ютуба буромадаги дароед поискаба занед ки нафари гумонбар дар куштори зани 42 сола дастгир гардид мебурояд Тамошо кунед хамма сабаби куштор гуфта додаги
Посух
Шарҳ