Раиси Шӯрои ҳуқуқи инсони Русия Валерий Фадеев пешниҳод кардааст, ки пӯшидани сатру ҳиҷоб дар кишвараш манъ карда шавад.
«Дар Русия пӯшидани либосҳои ҳиҷобе, ки чеҳраи занонро тамоман мепӯшонанд, иҷозат дода шудааст. Ин дар ҳолест, ки дар бархе аз кишварҳои Осиёи Марказӣ ҳиҷоб мамнуъ аст”,- гуфтааст Фадеев.
Раиси Шӯрои ҳуқуқи инсони Русия ҳамчунин мехоҳад фарзандони муҳоҷироне, ки забони русиро намедонанд, ба мактаб қабул карда нашаванд.
Валерий Фадеев мегӯяд, ки пеш аз қабули хонандагон ба мактаб бояд сатҳи забондонии онҳо санҷида шавад.
