Вазрати корҳои дохилии Тоҷикистон аз сар задани як садамаи марговар дар пойтахт хабар додааст.

Тавре ки манбаъ мегӯяд, шоми 10-уми июл, тахминан соати 23:10-дақиқа ронандаи автомашинаи тамғаи «Опел Астра», Ҳукмиддинов Низом Файзуллоевич, соли таваллудаш 1983, сокини шаҳри Душанбе ҳангоми ҳаракат кардан бо зеркӯчаи С.Айнии шаҳри Душанбе дар рӯ ба рӯи бинои истиқомати №369 аз ӯҳдаи идора кардани воситаи наклиёташ набаромада, ба самти муқобили роҳ баромада, бо автомашинаи тамғаи «Фолксваген-Пассат», ки таҳти идораи, Сатторов Сиродҷиддин Ҳотамуродович, соли таваллудаш 1989, сокини пойтахт бо роҳи худ ҳаракат мекард, бархӯрдааст. Дар натиҷа мусофири «Фолксваген-Пассат» хурдсол, Сатторов Ҷабраил, соли таваллудаш 2017, сокини ноҳияи Шоҳмансури пойтахт, ҷароҳати ҷисмонӣ бардошта, ҳангоми ба беморхона дастрас намудан дар роҳ ба ҳалокат расидааст.