Бахти сафед
БОЗ НОБОЛИҒОН ҚУРБОНИ НАФСИ ҲАРОМ ШУДАНД!
3497

Таҷовузи духтарони ноболиғ, махсусан кӯдакон, вақтҳои охир тез – тез сар зада, аллакай ҷомеаро водор ба нигаронӣ кардааст. Се моҳи охир расонаҳо он қадар роҷеъ ба таҷовузи кӯдакону ноболиғон гуфтанд, ки аз шунавиданашон гӯшҳо қулф заданд.

Маркази матбуоти Прокуратураи генералии кишвар хабар дод, ки Исанов Турғунҷон Жураевич, санаи таваллудаш 25 мартисоли 1985, сокини шаҳри Душанбе, моҳи августи соли 2016 бо шаҳрванд С. З., ки аз шавҳараш ҷудо шуда, соҳиби 2 фарзанд С. Б., санаи таваллудаш 12 декабри соли 2008 ва С. М., санаи таваллудаш 29 ноябри соли 2011 мебошад, бо тариқи никоҳи мусулмонӣ оила барпо намуд. Аз зиндагии якҷояашон соҳиби 1 фарзанд гардиданд.

"Исанов Т. Ж. ноболиғон С. Б. ва С. М. - ро ҳамчун фарзанд қабул намуда, дар тарбияи худ қарор дода, дидаю дониста, ки С. Б. бараъло ноболиғ буда, ба синни чордаҳсолагӣ нарасидааст, тахминан 25 - 26 августи соли 2018 ҳангоми дар суроғаи шаҳри Душанбе, кӯчаи Музмин бинои 13 ҳуҷраи 12 зиндагонӣ карданашон, аз набудани ҳамсараш С. З. истифода бурда, ноболиғ С. Б. - ро бо таҳдиди истифодаи зӯроварӣ алоқаи ҷинсӣ намуда, нафси шаҳвониашро қонеъ намудааст", - омадааст дар иттилоияи Маркази матбуоти Прокуратураи генералӣ.

Ӯ такроран охирҳои моҳи ноябри соли 2019 дар ҳолати мастӣ бо таҳдиди истифодаи зӯроварӣ нафси шаҳвониашро қонеъ намуда, наболиғ С. Б. - ро таъкид кардааст, ба модараш арз накунад.  "Боз ӯ моҳи майи соли 2020 дидаю дониста, ки ноболиғ С. М. ҳанӯз ба синни чордаҳсолагӣ нарасида, дар ҳолати оҷизӣ қарор дорад, дар манзили истиқоматӣ, воқеъ дар суроғаи шаҳри Душанбе, ноҳияи Фирдавсӣ дар ҳолати танҳо буданашон номбурдаро маҷбуран ва дар ҳолати ғайритабиӣ алоқа намуда, нафси шаҳвониашро қонеъ намудааст".

Прокурори ноҳияи Фирдавсӣ рӯзи 7 сентябри соли 2020 бо модаҳои 138 қисми 3 банди “а” ва 139 қисми 4 банди “а” - и Кодекси ҷиноятии Ҷумҳурии Тоҷикистон оғоз намуда, баъди анҷоми он барои баррасӣ ба суди шаҳри Душанбе ирсол намуд. Бо ҳукми суд Исанов Т. Ж. гунаҳкор дониста шуда, ба ӯ ҷазо дар намуди якумра маҳрум сохтан аз озодӣ таъин карда шуд.

Поделиться новостью
Шарҳ
(1)
Гулистон 2020-10-09, 20:48
Дар назди халк паронда шавад.
Посух
НОМАТОНРО НАВИСЕД
ШАРҲАТОНРО ГУЗОРЕД
Шарҳ
(1)
Гулистон 2020-10-09, 20:48
Дар назди халк паронда шавад.
Посух
НОМАТОНРО НАВИСЕД
ШАРҲАТОНРО ГУЗОРЕД